泰皇閣泰國菜館

位於泰菜勝地九龍城嘅泰皇閣泰國菜館，雖然競爭非常激烈但係絕對無比其他泰國菜館比下去，喺周末嘅夜晚依舊大排長龍，更加有唔少年輕情侶幫襯。餐廳環境比較狹窄，但亦尚算有足夠嘅隔離空間。

1

泰皇閣招牌炒飯

1

泰皇閣招牌炒飯

叫得招牌炒飯，當然要一試。泰皇閣招牌炒飯除咗有大大隻炸蝦，成個飯主要係用蛋包，再以茄汁、提子乾、粟米粒、蝦仁製成，非常開胃。可惜我本身對酸甜嘅炒飯唔係有太大興趣，不過整體嚟講都算唔錯。


串燒拼盤

1

串燒拼盤

食得泰國菜又點少得串燒拼盤呢？泰皇閣嘅串燒份量都算係比較多，雞腎、雞肉、墨魚丸都幾夠火候同大件，唯獨墨魚丸味道比較一般，如果鐘意食雞腎嘅朋友可以一試。


蝦醬炒通菜

1

蝦醬炒通菜

炒通菜亦都係泰菜常叫嘅一味餸，喺食咗咁多飯同肉之後當然要有返少少蔬菜做點綴。蝦醬味嚟講唔算太濃，成碟通菜出到嚟鑊氣都好足夠，而且份量都好多，兩個人食絕對係有突！

味道 ⭐️⭐️⭐️
服務 ⭐️⭐️⭐️⭐️
環境 ⭐️⭐️⭐️
性價比 ⭐️⭐️⭐️