✨西洋菜粟米煲豬骨湯 $68
老火湯絕對係必點！湯底清甜到不得了，西洋菜同粟米嘅配搭恰到好處，飲完成個身暖笠笠，仲要好足料，夠3-4個人分。
✨家鄉豬油渣炒飯 $78
簡單卻令人感動嘅味道！豬油渣香脆唔油膩，炒飯乾身有鑊氣，每啖都食到童年回憶，朋友食完即刻想encore。
✨招牌炒魚腩 $128
魚腩控必試！魚腩肥美嫩滑，外皮煎得香脆，配上獨特醬汁超級惹味，送飯一流！
✨山楂醬排骨 $98
新派做法有驚喜！排骨燜得鬆化，山楂醬酸甜開胃，完全中和咗油膩感，女仔都話鍾意食。
✨惠州梅菜扣肉 $118
傳統功夫菜！五花肉層次分明，梅菜鹹香入味，撈飯食真係可以連吞三碗白飯！
人均$150左右，分量足，味道有傳統亦有創新。餐廳位置方便，宋皇臺站行過嚟只需2分鐘。晚市建議早啲去，我哋7點到已經要等位！
