泰皇閣泰國菜館

營業中

休息中

媽媽無啦啦講想飲冬陰功，就兩個人去左搵食。冬陰功海鮮湯首先上到黎，熱辣辣嘅湯入面呢有多嘅秀珍菇，仲有車里茄仔，令到成個湯好鮮甜，仲有淡淡椰奶香味，但又唔會搶左海鮮同湯既味道。湯有蝦，青口，同鮮魷魚不過最愛反而係配菜既秀珍菇，因為吸曬d湯既精嘩，菇仲要岩岩熟，好好食。湯既分量岩岩好，雖然個煲好似唔大，但兩個人分別飲到三至四回。我地仲叫左個沙嗲串燒小食送湯。串燒可以係四種食材選三樣，我哋揀咗雞豬同埋雞腎。雞肉串同豬肉串仲有肉汁係內面，最出色嘅係雞腎，因為雞腎本身好爽口，而且好大塊。而個秘製沙嗲醬有花生香，又同肉串夾得好岩，好味。