影片
更多
2015-07-07
598 瀏覽
前幾日咁啱要去九龍城見個客，見完客就諗住搵間Café坐低飲杯咖啡食件cake抖下先返去，搵到呢間見喺附近又幾靚咁，就去試下。一去到門口已經有好感，全木嘅裝潢簡單得來幾有feel，好鍾意佢門口位果兩張小圓几 + 小鐵椅，感覺好悠閒。入面裝潢簡約，係我鍾意嘅Style；冇嘈吵嘅音樂聲，又剛好唔係太多人，好舒服。我點咗杯Latte，但啲cake好似件件都唔錯咁，一時之間有選擇困難症， waitress推介我食玫瑰覆盆子蛋糕 (Rose Raspberry Cake)，話好多客（尤其是女仔）都鍾意佢口味清新又唔太甜喎。好，一於試下。就係佢喇~ 一見到佢，個心有少少「嘩~」咗一聲，靚到有少少唔捨得食~~~ >_<(Sorry, 電話個相機有D衰，D相有少少色差，實物D色靚好多!!)玫瑰覆盆子香檳蛋糕 (Rose Raspberry Champagne，HK$44)連個紙碟都好靚啊~聽個名原本以為會係好覆盆子嘅味道，點知第一啖放入口，竟然喺玫瑰同Raspberry嘅味道之中混咗D荔枝味，頓時覺得成件事thoughtful同有heart咗!!件cake主要分開三層：底層其實係Red
一去到門口已經有好感，全木嘅裝潢簡單得來幾有feel，好鍾意佢門口位果兩張小圓几 + 小鐵椅，感覺好悠閒。
入面裝潢簡約，係我鍾意嘅Style；冇嘈吵嘅音樂聲，又剛好唔係太多人，好舒服。我點咗杯Latte，但啲cake好似件件都唔錯咁，一時之間有選擇困難症， waitress推介我食玫瑰覆盆子蛋糕 (Rose Raspberry Cake)，話好多客（尤其是女仔）都鍾意佢口味清新又唔太甜喎。好，一於試下。
就係佢喇~ 一見到佢，個心有少少「嘩~」咗一聲，靚到有少少唔捨得食~~~ >_<
(Sorry, 電話個相機有D衰，D相有少少色差，實物D色靚好多!!)
玫瑰覆盆子香檳蛋糕 (Rose Raspberry Champagne，HK$44)
連個紙碟都好靚啊~聽個名原本以為會係好覆盆子嘅味道，點知第一啖放入口，竟然喺玫瑰同Raspberry嘅味道之中混咗D荔枝味，頓時覺得成件事thoughtful同有heart咗!!
件cake主要分開三層：底層其實係Red Velvet Cake；中間就係混入咗荔枝味嘅玫瑰mousse，質感唔錯，玫瑰、Raspberry同荔枝嘅味道幾平均，係玫瑰味稍為輕啲；再上面係一層啫哩，平衡返個中層嘅甜味（雖然本身都唔係太甜），啫哩上再用返個mousse加D玫瑰花瓣、Raspberry、金泊做裝飾。成件事甜得來味道好light，的確係好lady嘅口感＋味道，怪難多女客會like，加上我本身係荔枝味甜品控，更覺得成件事加咗分!
至於杯Latte就不過不失啦~ 個人認為cake才是亮點~ 雖然九龍城對我嚟講遠咗少少（可惜佢的灣仔店唔係Café ，只做take away），但我都好想再嚟呢間坐低慢慢試下佢其他嘢，下次一定帶多兩、三個friend嚟，一次過試多幾款cake~ 同埋以後買生日蛋糕又多個選擇啦（可以去灣仔店買，唔使去咁遠）~
喺門口個蛋糕櫃見到呢款積木蛋糕 (HK$54)，好打耳啊~!! 下次一定要試!! 店員話其實可以訂做大size嘅做生日蛋糕都得~
張貼
