清真牛肉館 (龍崗道) (已結業)

清真牛肉館啦,有分新鋪同舊鋪,舊鋪就係九龍城龍崗道 1 號,新鋪就係打鼓嶺道,不過人人就話新鋪無咁好食,但就唔洗等咁耐位同坐得舒服d,但我就未去過,所以唔知。去到清真牛肉館,當然係食牛,無耐地我呢d 寫字樓工o既時間,無論放工去定放假去,都唔小人係門口排緊隊,以我咁唔鐘意等o既性格,只好外賣就算。2個人,女朋友又唔鐘意食辣,我又唔鐘意食羊之下,只好叫2個牛肉餅食,反正又咁出名!不過一叫就要2個20蚊,外賣加多1蚊,一共21蚊,只買2個牛肉餅都要等成20分鐘先有得食,朋友提過話即刻食先好食,打開盒後感覺真係好熱,100%係剛剛整起,但自問個咀經過長時間訓練,應該唔會怕呢個熱度!咁就出事啦,一咬落去,肉汁四濺,彈到自己件衫事小,彈到旁邊o既人先唔好意思xd,不過個心的確好熱,同好多汁,個皮就好脆不過唔會吸收d 汁,可能我無期待底下覺得感覺幾好食,不過牛肉味唔重!ps:之後我女朋友食果陣已經開始唔熱,咁個皮又唔脆,所以就無咁好食啦,所以記住即刻食先正xd,仲有真係小心熱xd