津屋爐端燒 (已結業)

我去得九龍城，多數都係約咗中學同學。今日我哋去咗九龍城廣場懷緬一下，因為就拆，之後就食一間喺九龍城屹立多年嘅餐廳🏮－「津屋爐端燒」，後尾先知老闆組合有變動。其實我哋都無食過，只係搭親巴士都見到佢個招牌表情樣好矚目🙈。餐廳環境就如居酒屋一樣🍶，有少量吧枱位置，其餘座位都算闊落，不過呢度燈光比較昏暗。松葉．二人前(歡樂價$628)，叫套餐就唔駛煩諗嗌乜啦。二人餐有兩款揀，貴啲果款吸引啲😛，另外平日個價錢平過週末個價錢呢！麵豉湯展開晚餐嘅序幕✨。和風三文魚沙律🥗，六片厚切三文魚刺身，配上麻醬柚子醋沙律菜，開胃。極．壽司、卷物拼盤🍣，款式由餐廳發板，四件壽司有三文魚、劍魚、呑拿魚同八爪魚；而刺身就有油甘魚同八爪魚。燒安格斯牛仔骨🐮，呢個份量幾多啵，牛仔骨用醬油燒，所以好香口惹味。牛味唔錯，只係近骨嗰個位置就韌啲，一般可能都避免唔到。串燒海虎蝦🦐，虎蝦唔算特別大隻，但燒蝦幾時都咁好食，只需要用少少鹽調味已經無得輸。香煎鵝肝，火候🔥啱啱好，油脂香味出哂嚟，口感好綿，正😋，而且又夠大件。不過有個小插曲好搞笑，店員話今日無多士，所以要用蘿蔔代替墊底。雜菌野菜湯烏冬🍜，最後食番個湯烏冬作結。烏冬以成個石