津屋爐端燒 (已結業)

有時搭巴士經過九龍城，都會留意到這家餐廳的。最近老公問我最食咩，突然想起它，所以他就同我一齊去食啦~雖然店外不停整路，但店內非常乾淨，仲好有日式居酒屋的風味。先來一個前菜，就係雞肉丸，肉質好腍身，加上醬汁好醒胃。彩虹卷呢款卷好特別，每件都有兩塊刺身鋪响面，刺身上洒上飛魚子，而中間就是蟹棒和牛油果，放入口時覺得好清新，而且好香滑。鐵板牛舌粒牛舌煮得好腍身，好容易入口及咬開，加埋三色椒和菇一齊烹調，食落唔會膩。蕃茄濃湯肥牛烏冬呢個烏冬真的很讚，蕃茄湯夠酸味，非常開胃，加埋肥牛肉質軟滑，索埋蕃茄湯更添惹味。芥茉焗廣島蠔以前鋪咗一層芥茉醬响面會好辣，但食落又唔係，外面焗得一層焦，但裡面隻蠔依然很鮮，並沒有焗到乾爭爭。紅豆雪糕雪糕很滑，但奶味唔重，內蕆粒粒紅豆，增加不少咬口。