津屋爐端燒 (已結業)

去到九龍城，又唔想食泰國野，見到間居酒屋裝修幾靚，就試一試，質素非常唔錯！我地叫左個彩虹卷、廣島蠔鍋、串燒同免治雞肉棒。軍艦有三文魚，油甘魚同吞拿魚卷，好新鮮，同埋入面有少少菜同蟹柳，食落幾清新。廣島蠔就大大隻，好鮮甜，加埋d菜同豆腐都好高質，應該係用番日本貨！串燒我地叫左雞腎，七味黑豚腩串同黑豚鮮菇串，樣樣都燒得好香口又唔會好乾。最正呀七味黑豚腩串，好惹味！免治雞肉棒亦唔錯，香口得黎又juicy呢間居酒屋都好全面，樣樣都好食，選擇亦好廣泛，要食多幾次先試得哂。