八方台式麵屋 (九龍城廣場)

營業中

休息中

知道最近九龍城廣場開咗間新嘅台式餐廳，台式餐廳係九龍城來講比較少，今次就黎試吓味道如何！懷舊飄香滷肉飯，大大碗滷肉飯仲有滷蛋同菜，望落賣相同台灣都幾似，食落油香豐富，好好送飯！台灣牛肉麵，湯底超濃郁！牛肉仲要炆得好入味，一啲都唔韌！煎鍋貼，香脆，不過如果煎得再耐啲嘅話就會更香口好食！香酥台灣餃，入邊仲保留着肉汁，而且熱辣辣，小心辣親！飲品方面選擇都幾多！我哋叫咗冷泡桂花烏龍同茉香綠茶。桂花烏飲落味甘，桂花味香，茉香綠茶飲落都唔算話特別好甜，抵讚！