影片
更多
2005-12-30
8 瀏覽
其實之前未知九點半後有半價七折嘅優惠，已經去食過一次晚飯，嗰陣冇特價已經覺得以咁好嘅食物質素算係抵，尤其是嗰隻$30嘅大閘蟹，絕對冇欺場，大隻兼好食過鴻星。後來見到其他食家啲評語，知道九點半後原來咁抵，當然要一去再去啦。暫時嚟講，真係唔覺得特價時段嘅食物比正價時段差同細碟，服務態度亦都ok。蠔仔粥嘅主角蠔仔大隻兼鮮味，配角方魚亦都香脆可口，如果想試多啲其他菜式，兩個人share一碗已經好夠，一鍋太多喇。呢度嘅蠔餅口感同出面食到嘅好唔同，幾特別，有啲煙勒，好似食薄撐咁。魚旦麵就麻麻地，魚旦尚算ok，啲麵嘅口感都幾差。潮式炒河幾好味，份量同材料都好夠，啲蝦同肉絲都好好味。鹵水嘢就淨係試過豆腐、鵝片同墨魚，豆腐超滑，鵝片好入味，呢度嘅墨魚只有淡淡嘅鹵水色，有別於其他地方嗰啲染到橙紅色嘅墨魚，好鮮味。仲有一樣唔記得叫乜乜雙橐，係蝦橐同蟹橐嚟架，兩款都好食，但係外層包咗腐皮嘅蟹橐就比較突出，超級好食﹗
後來見到其他食家啲評語，知道九點半後原來咁抵，當然要一去再去啦。暫時嚟講，真係唔覺得特價時段嘅食物比正價時段差同細碟，服務態度亦都ok。
蠔仔粥嘅主角蠔仔大隻兼鮮味，配角方魚亦都香脆可口，如果想試多啲其他菜式，兩個人share一碗已經好夠，一鍋太多喇。
呢度嘅蠔餅口感同出面食到嘅好唔同，幾特別，有啲煙勒，好似食薄撐咁。
魚旦麵就麻麻地，魚旦尚算ok，啲麵嘅口感都幾差。
潮式炒河幾好味，份量同材料都好夠，啲蝦同肉絲都好好味。
鹵水嘢就淨係試過豆腐、鵝片同墨魚，豆腐超滑，鵝片好入味，呢度嘅墨魚只有淡淡嘅鹵水色，有別於其他地方嗰啲染到橙紅色嘅墨魚，好鮮味。
仲有一樣唔記得叫乜乜雙橐，係蝦橐同蟹橐嚟架，兩款都好食，但係外層包咗腐皮嘅蟹橐就比較突出，超級好食﹗
張貼