更多
2015-11-02
1256 瀏覽
韓國首爾個九重塔,已經比人講到街知巷聞。而呢啲咁hit嘅嘢香港又點會唔跟風去仿傚呢。。所以小妹同朋友就嚟到一間位於大坑,打正旗號食九重塔嘅地方食好嘢啦!入到去,間鋪嘅裝修同擺設都係大致跟番韓式格局,同埋清一色用番不銹鋼餐具,叫做有番幾分喺韓國食嘢嘅感覺。嚟到呢度食,個個都係為咗食個九重塔㗎啦。而佢九重塔有三款選擇,每款跟番各自嘅海鮮配塔同價錢。我哋就簡咗中間嘅首爾塔配韓式豬手湯。要留意嘅係,4個人或以上食先有跟足9層俾你,如果得2至3個人就得番4至5層,都正常嘅,少人邊食得哂啫!主菜未到,先有一啲食親韓食都會跟嘅例牌小菜,都係啲好common嘅泡菜、芽菜、蘿蔔絲等等,食落味道正正常常冇乜comment。跟住飲下佢枝韓國米酒。等等。。點解佢枝酒瓶身係日文字嘅?大惑不解。不過個label都寫到明佢係韓國米酒,飲落亦都真係有幾分似,有米香同時有酒嘅清香,個碗亦用番韓國人用嚟盛酒嘅金色碗,收貨啦!九層塔即將嚟到之際,有waiter先為我地講解眼前呢個底座係乜東東同有咩作用,原來呢個係用嚟儲湯汁嘅地方,個九重塔會直接放上去,而喺個塔入面沉澱落嚟精華同水份就會落咗嚟呢度。如果細心啲睇,中間個個其實
不銹鋼餐具,叫做有番幾分喺韓國食嘢嘅感覺。
嚟到呢度食,個個都係為咗食個九重塔㗎啦。而佢九重塔有三款選擇,每款跟番各自嘅海鮮配塔同價錢。我哋就簡咗中間嘅首爾塔配韓式豬手湯。要留意嘅係,4個人或以上食先有跟足9層俾你,如果得2至3個人就得番4至5層,都正常嘅,少人邊食得哂啫!
跟住飲下佢枝韓國米酒。等等。。點解佢枝酒瓶身係日文字嘅?大惑不解。不過個label都寫到明佢係韓國米酒,飲落亦都真係有幾分似,有米香同時有酒嘅清香,個碗亦用番韓國人用嚟盛酒嘅金色碗,收貨啦!
九層塔即將嚟到之際,有waiter先為我地講解眼前呢個底座係乜東東同有咩作用,原來呢個係用嚟儲湯汁嘅地方,個九重塔會直接放上去,而喺個塔入面沉澱落嚟精華同水份就會落咗嚟呢度。
等多一陣,九重塔終於登場了!場面非常壯觀!
溫度計岩數,成枱人己經急不及待開餐。第一層開蓋,先同大家見面嘅係蟶子、象拔蚌、車厘茄同聖瓜!蟶子大隻兼冇沙,大隻到要有其中一隻疊咗上去,食落口勁有咬勁兼有鮮味,正!象拔蚌都好食,不過就比較大路貨色。另外waiter喺呢個時候提多大家一樣嘢,就係頭三層唔好點醬,要食原汁原味。
去到第八層,其實個個都已經飽到飛天。第八層中間有海螺,相伴嘅係南瓜、粟米同娃娃菜。雖然已經飽哂,不過又係照食可也。海螺鮮味夠出,但入面個粒肉已經蒸到好細隻,食落口有啲麻煩,雖則係咁,仍然十分唔錯。
第九層就係原先所講,個兜吸收哂成層塔精華嘅韓式豬手湯,其實經過樓上八層嘅歷練之後,啲豬手呀、骨呀已經煲到爛哂,成兜嘢睇落似粥多過湯。而個湯亦完全吸收哂海鮮鮮味,反而就唔係好食到豬骨味,有少少似胡椒豬肚海鮮粥嘅味道咁。話哂係八層精華跌哂落去,個湯勁入味,就算勁飽都要飲番兩碗。
當個個都飽到已經係想出去行下消化下之際,原來仲有個壓軸,就係有個韓式雪花冰,不過要食呢嚿嘢waiter話要like佢哋個facebook先有。到最後個個滿載而歸,好滿足攬著個肚走。
張貼