小飛象葡國餐廳 (已結業)

到餐廳吃飯，上菜的速度要多快才算有效率？記得早前看過一則新聞，說台灣有一間賣滷肉飯的小店甚麼的，玩了個「一分鐘上菜」的噱頭，企圖用高效率上菜搶客，還擺出沙漏來計時；若果超時間的話，就送多一碗滷肉飯之類。結果。。。活動只辦了一個月就慘被叫停，因為小店生意沒有好轉，老闆與員工都覺得壓力太大，連食客都覺得上菜快，令飯吃起來很大壓力。一分鐘又誇了點，那麼兩分鐘又怎樣？早前到了九龍灣一趟吃午飯，隨便挑了「小飛象葡國餐廳」，上菜速度是九秒九，好得人驚。我湯只是才剛喝了兩口，整個午餐的全部東西 (包括要加錢的葡撻) 都一拼來了，全無甩漏，效率加零一到呢。。。「豆蓉忌廉湯」「葡式咖喱牛利煲」用咖喱汁來撈飯味道還好，只是上菜太急，無乜心機食，加上不同的侍應先後五次「企圖或意圖」想收走我未食完的咖喱煲，想點先？？另加 $5 上的葡撻，攤凍哂。不熱也不是大問題，反而表面的糖焗得不夠焦黑，欠缺了吃葡撻應有的神髓。上菜如此快，是否想食客食完快啲走？唔知噃。Lunch 好難做到兩轉啫，加上重點是 - 成間餐廳仲有大把位。