金田家 (已結業)

今日放工好攰，想對自己好啲，於是去咗食金田家，因為之前已經聽講過佢嘅名，感覺好吸引，所以一於同同事去試試佢。我叫咗一碗柚子辛口拉麵，而我同事就話自己中意食辣，就試激辛拉麵。落單張紙仲有得揀埋軟硬嘅程度，可以揀返自己口味嘅麵，而我哋兩個都揀咗普通。我哋仲嗌咗一份小食，唐揚雞塊。先講下兩碗拉麵。我個碗柚子辛口有少少辣，真係少少，咸度適中，唔會好似出面食嗰啲咁咸。柚子味好突出好香，估唔到同拉麵都幾夾。而我同事個碗激辛拉麵就辣過我個碗好多，重口味少少，但比較開胃。兩碗面都係叉燒，啲叉燒肥得來又唔漏，入口即溶，真心幾正，唔會咬到起渣！仲有雞塊，咬落有汁岀黎，好正，有口感，炸粉唔會太厚，恰到好處。如果塊檸檬可以大舊少少會比較好，我自己本人中意唧多少少檸檬汁比較清新。總的來說我哩餐食得幾滿足，慰勞自己辛苦了一天哈哈。