影片
更多
2017-11-17
907 瀏覽
同朋去左荔枝角聚舊 呢邊比我想像中寧靜 原來以為會好難搵到好野食 諗住一係出返旺角嗰啲旺區食野 但朋友話D2 Place 個到有唔少好正既餐廳 食物質素好唔錯 所以就打算一齊去試下~我地去左Sushi Geikan 鮨芸館 睇佢既名就知佢係一間日本餐廳 由於秋季既關係 佢地搞緊一個名為「九州大分祭 2017」既活動 推出既特備菜式只係供應到12月14 日 我地當然唔執輸 要係完結前體驗地道日本菜!餐廳既設計好特別 以橙黃色作為主調 地方好寬敞好舒適 店員好友善地帶左我地去餐廳既最入既位置～ 我地一坐低 就已經見到充滿日本特色既餐具同擺設 仲有顏色筆同埋畫紙 可以俾食客係等上菜既時候解悶 我都忍唔住手畫左一張🤣餐廳設計既餐牌精美簡潔 兩頁「九州大分縣」特色餐牌 另外有一張係飲品 仲有一本精緻既餐牌 色彩繽紛既食物圖片 令人睇見都流曬口水~ 每一道菜都非常吸引 至於飲品方面 佢地有茶同埋特色飲料 任君選擇😍 事不宜遲 我地立即開始點餐～大分日田梨沙律 $88飯前開胃既小菜必定係沙律！大分日田梨沙律採用左日本水菜 加上日田梨同埋車厘茄 清甜爽口既水菜🥗 配上香甜多汁既日田梨🍐同紅彤彤既車
我地去左Sushi Geikan 鮨芸館 睇佢既名就知佢係一間日本餐廳 由於秋季既關係 佢地搞緊一個名為「九州大分祭 2017」既活動 推出既特備菜式只係供應到12月14 日 我地當然唔執輸 要係完結前體驗地道日本菜!
餐廳既設計好特別 以橙黃色作為主調 地方好寬敞好舒適 店員好友善地帶左我地去餐廳既最入既位置～
我地一坐低 就已經見到充滿日本特色既餐具同擺設 仲有顏色筆同埋畫紙 可以俾食客係等上菜既時候解悶 我都忍唔住手畫左一張🤣
餐廳設計既餐牌精美簡潔 兩頁「九州大分縣」特色餐牌 另外有一張係飲品 仲有一本精緻既餐牌
色彩繽紛既食物圖片 令人睇見都流曬口水~ 每一道菜都非常吸引 至於飲品方面 佢地有茶同埋特色飲料 任君選擇😍 事不宜遲 我地立即開始點餐～
大分日田梨沙律 $88
飯前開胃既小菜必定係沙律！大分日田梨沙律採用左日本水菜 加上日田梨同埋車厘茄 清甜爽口既水菜🥗 配上香甜多汁既日田梨🍐同紅彤彤既車厘茄🍅 再加上由大分縣出產既洋蔥 令整個沙律色彩鮮豔 😍 最後淋上柑橘秘制醬汁 酸甜既醬汁令沙律更美味～醬汁亦同時令人胃口大開！
竹籤魚刺身 x 柑橘鰤魚刺身
柑橘鰤魚刺身 $72
柑橘鰤魚顧名思義 就係食柑橘長大既鰤魚🐟 喺養殖鰤魚既時候 將柑橘既果皮同果渣打碎 再混入飼料當中 咁樣原來可以有助減低魚既腥味 同時令魚肉既色澤變得更加光亮 味道更鮮甜 而且可以食到滿口柑橘香味🍊
加上柚子同胡椒 鰤魚亦有另外一種風味 柑橘鰤魚除左可以做刺身同壽司之外 仲可以加入日本醬油作適當既醃制 令柑橘鰤魚既味道變成香而不鹹 最適合拎黎伴飯 🍚
竹籤魚刺身 $48
竹籤魚屬於白肉魚既一種 色澤白晰透明 口感清爽 肉質柔軟有彈性 味道亦比其他白身魚清新 我個人都好中意食白肉魚🤤～ 餐廳大廚先用火熗燒一燒竹籤魚刺身表面 等魚肉中既油份逼出 入口嫩滑 😋 竹籤魚既油香令人非常回味 😍
佐伯池魚刺身 $168
佐伯池魚亦係白肉魚既一種 肉質比較緊實而爽口 略帶油香 味道鮮甜～不得不提既係 佐伯池魚刺身會以原條切片上枱 一整條晶瑩剔透既池魚呈現係面前 令人目不暇給 呢個絕對係賣點之一 😍
新鮮既佐伯池魚亦都可以做成壽司 配上較為濃味既柚子同胡椒 一下子將相對淡味既池魚刺身鮮味提升 帶出截然不同既口感 😋
佐伯市海鮮丼$188
我地再點左一個佐伯市海鮮丼🍚 一碗丼飯包含左佐伯市既地道風味 有緋扇貝、竹籤魚同鰤魚 而飯同時都吸收左三款海鮮既鮮味 ☺️ 絕對能夠一次過滿足我地三個願望！
係享受海鮮丼同時 海鮮既鮮味亦會將你帶到大分縣佐伯市 整個海產市埸瞬間呈現係我地既眼前🐠🐡🐟
豐後牛他他燒 $188
九州大分縣的豐後牛貴為和牛新貴 更係第十一 回全國和牛能力共進會種牛第一名🥇 而豐後牛屬於黑毛和牛 需要經過嚴格挑選 先可以稱得上係高質既豐後牛🐮
先將表面以火燒至變色 再配上他他汁 加上來至法國既黃芥辣 🌶 入口肉味香濃而不失牛油的香味🍖😋 如果怕牛肉味道太濃 仲可以擠啲來至大分縣既柑橘汁係牛肉而頭🍊能夠進一步帶出牛肉既鮮味 👍🏼
清酒煮緋扇貝 $138
講起日本既飲食文化 不得不提既絕對係清酒🥃 以清酒入饌既例子其實都唔少 但最經典既一定係清酒煮海鮮系列。
餐廳採用左緋扇貝作為主菜 緋扇貝肉身較厚 面積亦較其他種類大 😍 配合清酒釀製 味道不但唔會被清酒既酒味蓋過 反而可以有效咁令扇貝的鮮味得以提升👍🏼 一上枱已經帶著酒香 實在是令人垂涎欲滴 🤤
薄切左口魚刺身 $126
薄切左口魚刺身雖然唔係第一次食 但呢到既刺身別有一番風味~ 果然係薄切 每一片刺身都係透光架 😍 再配埋佢地既特製醬汁 刺身味道好清香 淡淡既魚油香刺激每一個味覺 鮮味十足！🤤🤤
我同朋友都渡過左愉快既晚上～餐廳除左美食之外 服務態度亦都好好～店員又好有耐性咁同我地介紹精選菜式 又不斷為我地加茶水 我同朋友都覺得好滿意 ☺️💕
張貼
