新潮樓 (已結業)

之前有套戲好想睇一路都夾唔到時間，到啱啱發現淨番emax 有得睇就即刻買飛，睇完之後諗住搵地方食埋飯先走，發現有間新開嘅中菜館-新潮樓就諗住去試下☺️新潮樓係潮洲茶館，早午市仲可以飲茶食一盅兩件，到晚市就主打潮州打冷、港色小炒等等，另外五六日仲有駐場歌手表演，啱哂帶長輩們嚟聚餐😉餐牌厚厚一本有齊潮式打冷、大排檔小炒、仲有秋冬之選羊腩煲、雞煲等，款式超級多，樣樣都想試，樣樣都係超水準之作👍🏻員工服務殷勤，會留意客人需要💯滷水鵝片拼滷水墨魚 食潮州菜又點可以唔食滷水拼盤，雙併都只係+$20，我地揀咁必選滷水鵝片拼墨魚，唔好睇作細細碟咁，其實份量好足，淨係鵝片都有10幾片，肥瘦適中又滷得入味，墨魚片爽口彈牙有咬口，下面仲有大量芽菜嗦哂d 滷水汁超滋味😋😋XO 醬翡翠炒帶子XO醬炒帶子好夠鑊氣，帶子大大粒炒到剛熟唔會過老，鮮嫩可口，加上惹味XO醬送飯一流椒鹽鮮魷又一大排檔名物😆椒鹽鮮魷份量夠多，魷魚肉厚爽口，新鮮彈牙，外皮炸粉好薄身又不失脆身，加上大量炸蒜辣椒粒，好有避風塘風味🤩香煎蠔仔酪必食推介💯炸蠔餅又係另一道潮州名菜，蠔仔酪有成塊面咁大，金黃色嘅外表炸到脆卜卜，重點係夠足料，入面有超多蠔仔