影片
更多
2022-09-18
77 瀏覽
𝒞𝒽𝒾𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒦𝑜𝓌𝓁𝑜𝑜𝓃 𝐵𝒶𝓎最近九展開咗間新嘅潮州酒樓，幾個同事係九龍灣放工就搭𝘴𝘩𝘶𝘵𝘵𝘭𝘦過去食晚飯試新嘢！可能仲係新開業無耐，未見話有好多客人，所以店員安排座位都比較疏同闊落。🌟滷水拼盤 (雙拼每款加$20) ($208)食潮州打冷點少得滷水拼盤，呢度同出面嘅潮州打冷館嘅滷水選擇一樣咁多款，真係花多眼亂，最後揀左鵝片、墨魚同豬大腸。鵝片就正常發揮，但個墨魚片好爽口，豬大腸又夠肥美。🌟普寧蘿蔔灌漿 ($𝟲𝟴)呢個係潮州傳統小食，蘿蔔絲入面撈埋臘腸、蝦米再用腐皮包住炸到金黃色，外脆內軟，又有口感，最鍾意食呢個！🌟𝗫𝗢醬翡翠炒帶子($𝟭𝟲𝟴)用𝘟𝘖醬炒西蘭花同帶子十分惹味，啲帶子都好好食，無炒過火。🌟自家製蝦棗蟹棗 ($𝟭𝟰𝟴)呢個其實幾好食，炸得好香口，點埋個桔仔油酸酸甜甜咁幾開胃，食落又唔會太油膩。🌟椒鹽白飯魚 ($𝟭𝟬𝟴)未食過呢一啲大大條既新鮮白飯魚，有別於平時嫲嫲屋企食飯嗰啲細細條送飯嘅白飯魚，食得出有魚肉😌🌟西湖牛肉羹 ($𝟭𝟭𝟴)個羹加左豆腐粒口感好滑，牛肉唔係落咗鬆肉粉軟淋淋，係有o趙口果種，再加埋啲芫荽碎，啱晒啲芫荽控食。🌟啫啫蝦
最近九展開咗間新嘅潮州酒樓，幾個同事係九龍灣放工就搭𝘴𝘩𝘶𝘵𝘵𝘭𝘦過去食晚飯試新嘢！可能仲係新開業無耐，未見話有好多客人，所以店員安排座位都比較疏同闊落。
🌟滷水拼盤 (雙拼每款加$20) ($208)
食潮州打冷點少得滷水拼盤，呢度同出面嘅潮州打冷館嘅滷水選擇一樣咁多款，真係花多眼亂，最後揀左鵝片、墨魚同豬大腸。鵝片就正常發揮，但個墨魚片好爽口，豬大腸又夠肥美。
🌟普寧蘿蔔灌漿 ($𝟲𝟴)
呢個係潮州傳統小食，蘿蔔絲入面撈埋臘腸、蝦米再用腐皮包住炸到金黃色，外脆內軟，又有口感，最鍾意食呢個！
🌟𝗫𝗢醬翡翠炒帶子($𝟭𝟲𝟴)
用𝘟𝘖醬炒西蘭花同帶子十分惹味，啲帶子都好好食，無炒過火。
🌟自家製蝦棗蟹棗 ($𝟭𝟰𝟴)
呢個其實幾好食，炸得好香口，點埋個桔仔油酸酸甜甜咁幾開胃，食落又唔會太油膩。
🌟椒鹽白飯魚 ($𝟭𝟬𝟴)
未食過呢一啲大大條既新鮮白飯魚，有別於平時嫲嫲屋企食飯嗰啲細細條送飯嘅白飯魚，食得出有魚肉😌
🌟西湖牛肉羹 ($𝟭𝟭𝟴)
個羹加左豆腐粒口感好滑，牛肉唔係落咗鬆肉粉軟淋淋，係有o趙口果種，再加埋啲芫荽碎，啱晒啲芫荽控食。
🌟啫啫蝦乾蝦醬通菜 ($𝟭𝟬𝟴)
個煲一黎到出晒煙熱辣辣，蝦醬獨有既香味飄到隔離枱都聞到，個蝦乾都幾大隻，但個菜略嫌太多油，感覺唔夠健康。
🌟福果芋泥($𝟰𝟴)
呢個芋泥口感好綿滑，仲有幾粒糖漿漬過嘅白果，煙煙韌韌，食埋呢個甜品真係超滿足。
順帶一提，店員話呢度平時星期五六日係會有駐場樂隊嚟表演😍可以一邊食飯一邊聽人唱歌🎧🎶
📍新潮樓 𝐂𝐫𝐨𝐰𝐧 𝐒𝐤𝐲 𝐑𝐞𝐬𝐭𝐚𝐮𝐫𝐚𝐧𝐭
九龍灣展貿徑1號國際展覽中心3樓319-329號
張貼
