一起果醬 (已結業)

某次見朋友POST左張九格麵包相覺得好得意, 原來鋪頭就響山林道, 呢晚出開街, 一於過黎品嚐一下.鋪頭唔算大, 但坐位都幾多, 比人有種悠閒既感覺.晚餐有dinner set, 但set係無麵包類, 所以決定散叫.要左我心儀既九宮格果占多士, 每格都有唔同既果占, 每樣都點過黎食, 都係甜甜酸酸. 而塊厚多士烘得夠脆, 熱辣辣, 入面好軟熟.食麵包最配嘆咖啡, 要杯mocha, 拉花簡簡單單夠晒靚, 咖啡味唔算太濃, 帶少少朱古力甜味, 好易入口.剩係食麵包唔夠飽, 要多個溫泉蛋卡邦尼意粉, 意粉整得唔會太腍, 煙韌彈牙. 溫泉蛋撈埋一齊食夠creamy, 濕濕地無咁乾.