影片
更多
2019-05-09
81 瀏覽
上一次嚟呢間九份十分都要數年幾前，仲記得餐廳嘅出品全部都好有台灣味，尤其是係個醉蝦，更加令我沒齒難忘，今日就嚟細味番呢一份台灣嘅味道先。墾丁星空，蝶戀花青檸冰沙，顏色非常浪漫，味道好refreshing。台式肉鬆芝士蛋捲，呢個蛋捲令我諗起我最愛嘅台式蛋餅早餐，蛋捲充滿蛋香，裏面包住滿滿嘅肉鬆，面頭仲有台灣嘢常用到嘅醬油膏同埋美乃滋，好味。古早醉雞，今次竟然無咗我最愛嘅名物醉蝦，咁就正好有個機會試下其他醉嘢，揀咗想試好耐嘅古早醉雞，酒味明顯唔夠之前嘅醉蝦強烈，不過雞肉都尚算嫩滑，挽回分數不少，有幾片雲耳嚟蘸啲酒食又唔錯喎。老皮嫩肉，老皮嫩肉即係台式滷豆腐，經過滷水浸淫嘅外皮皺掹掹是為老皮，內裏嫩滑嘅豆腐是為嫩肉，滷豆腐滷味依舊濃郁，猶記得上次呢份老皮嫩肉仲有啲酸菜喺側跟，整體感覺更加傳神。忌廉芝士蘑菇雞翼，廚師先將雞翼拆骨，再釀入忌廉芝士同埋蘑菇，食起上嚟啖啖肉，而且每一啖都充滿住忌廉芝士嘅香味，又有少少西式fushion嘅感覺。台灣鹽酥排骨粒，鹽酥排骨炸得香脆，最正嘅係佢有一系列味粉俾你自己落，梅子粉味道獨特，辣粉辣得過癮，原味就係最正宗嘅台灣味喇。紅燒三寶麵，三寶有牛肉，牛筋同埋牛肚
上一次嚟呢間九份十分都要數年幾前，仲記得餐廳嘅出品全部都好有台灣味，尤其是係個醉蝦，更加令我沒齒難忘，今日就嚟細味番呢一份台灣嘅味道先。
墾丁星空，蝶戀花青檸冰沙，顏色非常浪漫，味道好refreshing。
台式肉鬆芝士蛋捲，呢個蛋捲令我諗起我最愛嘅台式蛋餅早餐，蛋捲充滿蛋香，裏面包住滿滿嘅肉鬆，面頭仲有台灣嘢常用到嘅醬油膏同埋美乃滋，好味。
古早醉雞，今次竟然無咗我最愛嘅名物醉蝦，咁就正好有個機會試下其他醉嘢，揀咗想試好耐嘅古早醉雞，酒味明顯唔夠之前嘅醉蝦強烈，不過雞肉都尚算嫩滑，挽回分數不少，有幾片雲耳嚟蘸啲酒食又唔錯喎。
老皮嫩肉，老皮嫩肉即係台式滷豆腐，經過滷水浸淫嘅外皮皺掹掹是為老皮，內裏嫩滑嘅豆腐是為嫩肉，滷豆腐滷味依舊濃郁，猶記得上次呢份老皮嫩肉仲有啲酸菜喺側跟，整體感覺更加傳神。
忌廉芝士蘑菇雞翼，廚師先將雞翼拆骨，再釀入忌廉芝士同埋蘑菇，食起上嚟啖啖肉，而且每一啖都充滿住忌廉芝士嘅香味，又有少少西式fushion嘅感覺。
台灣鹽酥排骨粒，鹽酥排骨炸得香脆，最正嘅係佢有一系列味粉俾你自己落，梅子粉味道獨特，辣粉辣得過癮，原味就係最正宗嘅台灣味喇。
紅燒三寶麵，三寶有牛肉，牛筋同埋牛肚，先呷一啖濃湯，exactly就係上次去台灣食過嗰隻味道，嗰隻充斥住牛味嘅牛湯令人非常懷念，牛肉同牛筋都好腍好入味，特別鐘意佢嗰個有少少似雪菜嘅配菜，爽口得嚟帶有少少酸，十分點晴。
冰粉美人，最後嚟到甜品部分，呢個甜品有各種芋圓，仲有台灣夜市成日食到嘅愛玉，最緊要係仲有非常有益嘅桃膠，撈一羮愛玉，再不少少墾丁星空，就係檸檬愛玉喇。
九份十分完全滿足到我對台灣嘅思念，我諗我好快又要再掛住佢lu。
張貼
