九份•十分 (已結業)

同朋友午餐叫左紅燒三寶麵，雞絲涼拌麵，炸魷魚同埋涼拌雞絲粉皮，仲有2杯野飲蘋果紅茶少冰同埋珍珠奶茶少甜少冰。 先講下紅燒三寶麵，佢有得揀粗幼麵，我地揀左粗麵，麵底頗有咬口;湯底唔錯，唔算好油同埋好夠味，有胡椒味不過唔算重。三寶係 牛肉，牛筋同 牛肚，牛肉有一大件， 睇得出牛肉幾靚，炆得夠入味，如果炆得更諗會更合我口味。牛筋份量多好多，有差唔多5件，炆得平均，唔會中間特別硬;牛肚份量2件左右，同樣炆得唔錯。雞絲涼拌麵有驚喜，葫麻醬唔會太稀，啱啱好可以食麵嘅時候都食到葫麻醬， 葫麻醬仲加左少少芥辣。食起上嚟會想繼續食，冇咁膩。雞絲份量都不少，好味唔會好乾身! 炸魷魚有落鹹蛋，好啱撈飯食，但就咁食就偏鹹同油，因為份量都唔少，魷魚本身唔錯，一d都唔韌。涼拌雞絲粉皮同樣係胡麻醬，粉皮有d唔夠滑，但味道整體黎講幾吸引，2杯野飲不過不失，以加錢黎講，唔錯。 可惜珍珠奶茶不可以去糖去冰。