潮食閣 (已結業)

潮食閣以賣炸物為主：炸雞炸鮮奶炸饅頭炸熱狗棒乜都炸得一餐😂，我哋試咗佢個銷量排行榜 No. 1 嘅極邪惡芝士拉絲棒，又係即叫即炸，食嘅時候千祈唔好心急，如果唔係條脷一定會畀極熱嘅芝士辣親。叫得做 “拉絲”，此小食肯定玩味大於一切，店家亦以此為 gimmick，叫人挑戰下到底可以拉到幾長。我哋呢啲老人家，當然認為食味才是重點，幸好芝士同香腸都係我嘅最愛，配埋出面炸得脆脆嘅粉漿同埋淋上嘅千島醬，成條棒係幾好食嘅，如果炸得稍稍冇咁燶就更加理想。