老四川精品川菜館 (已結業)

係附近返工，見有間新開張川菜就試下，自己本身好喜愛食麻辣，我第一次食就係麻婆豆腐，一試愛上，仲介紹同事食，但之後因爲唔係果道返工就無再食，昨日甘岩係銅鑼灣返工就同同事去食，去食之前好開心有得食但最後換黎一肚氣，一開始有人同我地落單（應該係老闆娘）我就同佢講要咩，佢落左一個餐就走左（當時有我連同事係2個人坐左係到），佢無寫低，之後就行去電腦㩒，但佢前後淨係落我個餐都問左3次我要咩，再之後我同事叫左另一個人落餐時order左凍檸茶（事前我自己都唔知都佢落咩），果個男仔落單時問左2次飲咩，佢黎既時候比左凍奶茶，我地其實都係同佢講我地係要凍檸茶，（無任何黑面），個老闆娘無啦啦同我地拗話我地係落凍奶茶，好似想我地認我地落錯甘，之後黎左野食，一上個「麻婆豆腐」，辣到食唔到，但明明我之前都係成碟食曬，點會差別甘大🤷🏻‍♀️然後我食左一啖都無食過，個老闆娘又無啦啦同我講「你覺得辣你下次叫小辣啊麻！」，我聽完覺得好刺耳，1.（你菜單上係寫話要揀辣度），2.（我每次去都有食，今次先辣到食唔到）甘既服務態度同甘唔穩定既食物品質令我唔會再食。