炎天丼 (已結業)

好耐之前係大埔食過一次，雖然當時餐廳好細，座位好少，坐得又唔舒服，但食物好味，印象非常深刻。可惜，之後執左😫。直至最近係旺角發現呢間同店名既餐廳，即刻約番朋友黎回味下😃。星期五晚上六點到達，當時人流唔算多，所以可以直入。由於我係衝著炸物同飯素黎既，所以同友人都點左一個丼飯，但其實我見其他食客點烏冬，賣相都幾吸引，下次黎可以試飯以外既主食。海鮮天丼 $80四款炸物丼中，我同友人都揀左海鮮丼，一黎用料豐富D，二黎有我地中意既虎蝦😋。每款炸物都係即點即炸，所以非常辣口；炸衣唔算厚，加上油溫夠高，外層脆卜卜；我諗菜心天婦羅應該只有呢度先食到，我就中意食菜心葉，食落似薯片，而友人就中意枝位，話菜心味濃。天婦羅蝦炸衣唔厚，蝦味又濃又彈牙，好味🤤!!炸流心蛋，蛋香味濃，撈飯一流。不過飯唔好味，唔彈牙、又無飯香😫套餐中仲有麵豉湯同沙律，整體份量其實好足夠，平平地可以食到個咁豐富既炸物丼，值得一試。