泰妹餐廳 (The Wave) (已結業)

第一次黎食二人套餐，幾多野揀。食物質素整體不過不失，一定冇得同九龍城正宗泰菜比較嫁啦，不過性價比都算唔錯。冬蔭公虎蝦幾大隻，幾足料。但湯就唔夠酸。小食拼盤係好多野食 ，但雞翼冇味串燒太乾，我同朋友咬左好耐，又整斷左筷子。。。waitress都有即刻道歉換新俾我地，反應算快。落單時佢地不停話飛天通菜好辣，但我同朋友都覺得佢有啲誇大，可能香港好多人小小辣就話好辣頂唔順😂之後到豬肉碎生菜包，炒得幾香但唔係好夠重口味，不過都合格既。金邊粉就有啲太甜，隻蝦都係得甜味。最後埋單每人$200都算抵食，計埋野飲。不過有機會先再encore啦。