SuperNormal (淘大商場2期)

營業中

休息中

近排少出街，所以難得出街要搵啲正嘅黎食。係呢頭呢間人氣高企，所以就黎食晚飯。先上三杯特飲（$38一杯），自己飲中間嘅蜜桃檸檬蘋果梳打，三種果好似有啲亂，但又真係飲得出，我覺得未算好夾，但係味覺相當特別。試飲人地果啲，最正係最底果杯薄荷梳打，十分refreshing！最頂嘅奇異果無試到，但係個friend話幾正。軟殼蟹漢堡，一上係先食薯條，驚凍咗唔好食。薯條中上，夠熱夠脆。漢堡個醬真係充滿驚喜，因為有埋魚子，令成個包好夾。主菜軟殼蟹，望圖都知炸到爆脆，同漢堡呢種咁腍嘅食材混合，個口感係好特別嘅。軟殼蟹蟹味唔算重，但連同口感令呢個漢堡十分值得推薦！鵝肝牛肝菌意大利飯。我鐘意意大利飯個口感，呢個亦都係水準以上，唔會太硬又唔會太腍，個汁較得好，唔好太濃味。鵝肝反而似係點綴。海鮮意粉，少少辣，頗多料。蝦都新鮮彈牙嘅。追加小食：wasabi雞翼。雖然自己唔好辣，但係佢都整得幾惹味。佢啲雞翼都大隻，幾襟食。埋單一人唔駛$180,但係坐得舒服又有高質美食，都幾值得再黎。