影片
更多
2009-07-18
4 瀏覽
17-7-2009上星期迫唔入呢間長龍店, 今次 lunch 訂定檯終於食得成了 同朋友一人叫了一份 set lunch, 有 生吃的 don 一碗, 跟沙律及大蜆味噌湯.沙律的生菜新鮮度 ok, 青瓜我覺得切得太粗; 又幾騎呢地有兩小件士多啤梨 , 唔通車厘茄賣晒? Dressing 內有 mustard seeds, 酸酸甜甜又幾香, 味道都 ok 的.大蜆及味噌湯就唔係好得: 大蜆及味噌湯各有各, 蜆仔無味又幾硬, 明顯係雪嘢; 味噌湯嗒落帶點酸澀, 諗起都打冷震...主食揀了雜錦魚生丼 ($88): 有油甘魚, 甜蝦, 帶子, 赤身, 三文魚, 三文魚籽 etc, 大部分「角切」... 最好食係赤身, 份量唔多, 但粒粒肥美味濃, 唔比 proper 日本餐廳的 lunch 貨色差呢 三文魚籽就差 d, 一味鹹, 可幸唔腥; 其他的較普通, 不過新鮮度其實 ok 的. 底部的飯就唔係好得, 軟撻撻又太濕.朋友食大蔥吞拿魚丼 ($108): 試了幾啖 mashed 吞拿魚, 新鮮度 ok, 不過唔係靚貨, 無辦法... Set lunch 唔包雪糕 / 咖啡,
上星期迫唔入呢間長龍店, 今次 lunch 訂定檯終於食得成了 同朋友一人叫了一份 set lunch, 有 生吃的 don 一碗, 跟沙律及大蜆味噌湯.
沙律的生菜新鮮度 ok, 青瓜我覺得切得太粗; 又幾騎呢地有兩小件士多啤梨 , 唔通車厘茄賣晒? Dressing 內有 mustard seeds, 酸酸甜甜又幾香, 味道都 ok 的.
大蜆及味噌湯就唔係好得: 大蜆及味噌湯各有各, 蜆仔無味又幾硬, 明顯係雪嘢; 味噌湯嗒落帶點酸澀, 諗起都打冷震...
主食揀了雜錦魚生丼 ($88): 有油甘魚, 甜蝦, 帶子, 赤身, 三文魚, 三文魚籽 etc, 大部分「角切」... 最好食係赤身, 份量唔多, 但粒粒肥美味濃, 唔比 proper 日本餐廳的 lunch 貨色差呢 三文魚籽就差 d, 一味鹹, 可幸唔腥; 其他的較普通, 不過新鮮度其實 ok 的. 底部的飯就唔係好得, 軟撻撻又太濕.
朋友食大蔥吞拿魚丼 ($108): 試了幾啖 mashed 吞拿魚, 新鮮度 ok, 不過唔係靚貨, 無辦法...
Set lunch 唔包雪糕 / 咖啡, 見幾款果凍及雪糕 lunch 有特價, 於是又一人散叫一份甜品試試.
朋友想食的芝麻雪糕及 Rum raisin 雪糕齊齊售罄, 結果叫了 3rd choice 芒果雪糕 (原價 $20; 午市 $8), 點知味道假得很, 似「人造芒果布甸味」多 d, 絕不推介.
我食紅酒果凍 (原價 $20; 午市 $9), 中間有兩舊好酸的士多啤梨, 不過 d 0者喱真係幾有酒味的, 帶 grapes 的清清甜甜, 都幾好食.
店內地方唔大, 人龍長人客亦多, 坐低無耐見一檯 10 人離開, 食到一半又見另一 10 人喺同一張檯坐低, lunch hour 真係好旺; 店員們友善又好有禮貌, 招呼比好多港式日本餐廳好.
連加一每人約 $120, 話平唔平話貴唔貴, 灣仔嚟講算係咁吧 -- 港式係港式, 但點都好過又食「板記」啩?
張貼
