影片
更多
2023-09-27
63 瀏覽
最近追韓劇成日見到佢哋叫炸雞食，行過北角見到有間新餐廳，就入咗去食。韓滋樂四拼炸雞呢個口味任選，我同朋友叫左蜜糖牛油炸雞、乳酪洋蔥炸雞、車打芝士炸雞同咖喱皇炸雞。所有炸雞都係無骨，炸得好香脆，食落唔油膩，保留到肉汁。個人最鐘意乳酪洋蔥炸雞，面頭有新鮮洋蔥好惹味。弘大玫瑰炒年糕呢個好足料，除咗年糕，仲有香腸、煙肉、粉絲、娃娃菜……表面仲有大量芝士粉，值得一提係個汁真係好好味，令人食到停唔到口。韓式魚糕湯呢個湯有各種各樣嘅菜，仲有雞蛋、粉絲、年糕等，以及各種形狀嘅魚糕，湯底清清地，唔係味精湯，魚糕好軟身，令我諗起韓國食過嘅味道。烤牛肉煎餅煎餅厚薄適中，表面煎得金黃，咬落去唔會好粉，食到入面有烤牛肉，好有口感。飲品水蜜桃梳打同士多啤梨梳打顏色好鮮豔，飲落去唔會好甜，有淡淡水果香，非常冰涼！餐廳價錢合理，充滿韓國風味
韓滋樂四拼炸雞
呢個口味任選，我同朋友叫左蜜糖牛油炸雞、乳酪洋蔥炸雞、車打芝士炸雞同咖喱皇炸雞。所有炸雞都係無骨，炸得好香脆，食落唔油膩，保留到肉汁。個人最鐘意乳酪洋蔥炸雞，面頭有新鮮洋蔥好惹味。
弘大玫瑰炒年糕
呢個好足料，除咗年糕，仲有香腸、煙肉、粉絲、娃娃菜……表面仲有大量芝士粉，值得一提係個汁真係好好味，令人食到停唔到口。
韓式魚糕湯
呢個湯有各種各樣嘅菜，仲有雞蛋、粉絲、年糕等，以及各種形狀嘅魚糕，湯底清清地，唔係味精湯，魚糕好軟身，令我諗起韓國食過嘅味道。
烤牛肉煎餅
煎餅厚薄適中，表面煎得金黃，咬落去唔會好粉，食到入面有烤牛肉，好有口感。
飲品
水蜜桃梳打同士多啤梨梳打顏色好鮮豔，飲落去唔會好甜，有淡淡水果香，非常冰涼！
餐廳價錢合理，充滿韓國風味
張貼
