林記車仔麵

營業中

休息中

太安樓出名多野食，但餐廳都轉得好快，每隔一排去就會唔同左，不過入面有幾間舖已經做咗好多年，車仔麵就係其中一間。我今次點左豬腸、魷魚、水餃油麵，麵質唔錯，而且份量充足，豬腸同魷魚不過不失，至於餐廳推介嘅水餃就當然皮薄又多料。食車仔麵最重要嘅係湯底，呢間都算唔錯，唔會好咸，而且唔係味精湯，食完都唔會好口渴。不過其實食呢間車仔麵最重要嘅係食佢嘅自家秘製醬汁，正正就係放喺枱上面嘅辣椒油，侍應會提醒你唔好落太多，因為真係好辣，另外值得一提係餸方面有豬油渣揀架，依家真係好少舖仲有架！