影片
更多
2020-08-07
182 瀏覽
中學時期最愛以車仔麵作午餐，除了因為價錢較快餐店的碟頭飯平一截之外，還有就是淥兩淥便有得食，既快捷又方便。講起上嚟，其實我也很久沒吃過車仔麵，趁今日收早，嚟旺角呢間「阿四車仔麵」開餐。餐廳位於豉油街，店內地方頗大，椅桌擺放得很整齊企理，極具空間感。牆身以淺灰色為主調，給人一種舒適恬靜嘅感覺，配上門口的特色鐵閘，懷舊之餘亦十分搶眼。先睇下餐牌，原來除了車仔麵之外，餐廳還有大碗飯和十數款特色小食、冷熱飲品等供應。車仔麵配料選擇超多，有逾 30 款，而麵底方面，除了粉麵外，亦可選米線、讚岐烏冬，甚至白飯。如果有選擇困難症，亦可以揀招牌麵，一碗有成 9 個餸，好足料，啱曬心多多嘅朋友。一場嚟到，梗係要試多幾款，點咗一客大碗飯、一個五餸車仔麵，另外再加四款小食同飲品。先試下個咖喱吉列豬扒飯 ($38)，金黃色的厚切豬扒，外層炸得很香脆，肉質鬆軟，彈性十足，唯一就是稍嫌肉汁不多，幸好配吃的咖喱汁，入口香而不辣，和軟熟煙韌嘅米飯拌勻來吃，開胃又惹味。五餸車仔麵 ($56) 麵底揀咗油麵，而配料方面就點了辣魚蛋、滷水蛋、牛腩、魚皮餃同仿鮑片。湯底用上大地魚粉及豬骨熬製，味道很鮮香。油麵煮得啱啱好，口
講起上嚟，其實我也很久沒吃過車仔麵，趁今日收早，嚟旺角呢間「阿四車仔麵」開餐。
餐廳位於豉油街，店內地方頗大，椅桌擺放得很整齊企理，極具空間感。牆身以淺灰色為主調，給人一種舒適恬靜嘅感覺，配上門口的特色鐵閘，懷舊之餘亦十分搶眼。
先睇下餐牌，原來除了車仔麵之外，餐廳還有大碗飯和十數款特色小食、冷熱飲品等供應。車仔麵配料選擇超多，有逾 30 款，而麵底方面，除了粉麵外，亦可選米線、讚岐烏冬，甚至白飯。如果有選擇困難症，亦可以揀招牌麵，一碗有成 9 個餸，好足料，啱曬心多多嘅朋友。
一場嚟到，梗係要試多幾款，點咗一客大碗飯、一個五餸車仔麵，另外再加四款小食同飲品。
先試下個咖喱吉列豬扒飯 ($38)，金黃色的厚切豬扒，外層炸得很香脆，肉質鬆軟，彈性十足，唯一就是稍嫌肉汁不多，幸好配吃的咖喱汁，入口香而不辣，和軟熟煙韌嘅米飯拌勻來吃，開胃又惹味。
五餸車仔麵 ($56) 麵底揀咗油麵，而配料方面就點了辣魚蛋、滷水蛋、牛腩、魚皮餃同仿鮑片。湯底用上大地魚粉及豬骨熬製，味道很鮮香。油麵煮得啱啱好，口感頗軟滑。辣魚蛋用自家製咖喱汁煮，微辣惹味；而滷蛋亦滷得很入味，入口帶蛋黃香。牛腩大件又夠腍，食落唔黐牙；魚皮餃味道亦唔錯，口感彈牙、咬下啖啖肉。
至於小食方面就點咗香辣魷魚、咖喱角、碗仔素翅同瑞士雞翼，每款都只係 $20，價錢都算經濟。香辣魷魚做得挺出色，爽口滑溜，不會韌至難以咀嚼，唔錯！咖喱角金黃酥脆，一口一個，超美味！
碗仔素翅加入了冬菇、素翅、雲耳及瑤柱絲，用料豐富，湯底香濃，食得出心機，吃時可按個人喜好加入少許醋調味。瑞士雞翼使用低溫慢煮方法炮製，食落皮滑肉嫩，香甜入味，正。
飲品點咗支裝忌廉 ($9) 同樽仔奶茶 ($16)，餐廳的樽仔奶茶是每日新鮮製造的，絕無添加防腐劑及人造色素，百分百原味，奶茶入口夠厚身順滑，甜度亦剛好，加上原樽奉客，沒有額外加冰，茶味不會被沖淡。
張貼
