華樂冰室

營業中

休息中

妮歌應承會陪我再次回味豬扒意，一講就２年，今年既Mother's Day Eve終於有時間一齊來這裡hea吓，而唔需要趕頭趕命。這裡位於上環近摩囉街，離我地以前office有一段距離，每個星期都會至少幫襯一次，而家我地唔同公司，但都成日心思思想來食，因為呢度既豬扒set真係好抵食，又好好食，有蛋包+豬扒意+飲品都係$30內(而家都係$34)。不過今日有小小失望，因為高佬廚師放假，要水吧叔叔做埋佢o個份，味道緊係爭少少，而且妮歌叫既出前一丁，只係食咗兩口就放棄(因為她不喜歡超腍一丁)，而我既意粉炒得有點燶同埋唔夠味，豬扒就保持水準，一樣咁鬆軟好味，反蛋包就有啲亂。唔知下次要幾時先再來，希望唔好遇著高佬廚師放假就好lu^^。