影片
更多
2020-07-05
287 瀏覽
無乜出街既幾個月努力裝修阿囡間公主房，終於完工了，佢有個安樂窩，我地都開始得閒返少少。最近食燒肉放題心癮好強，周末執完一輪屋，諗起不如一齊去食，近近地就去校長燒肉啦，搬左新店好幾年都未去過，一於試下。晚市分左幾個時段唔同收費，我哋揀咗7-9pm，成人每位$218，小童$138，其實話平唔平，不過好耐無食過燒肉就食好d啦。未夠鐘門外已有等侯既人龍， 可能大家都困得太耐喇，終於可以出來食放題，感覺難能可貴。入座着要先量體温同用酒精搓手液清潔雙手，座位之間隔着白色膠板，而且出去拎野食一定要帶口罩，衛生都做得唔錯，食得放心。燒肉放題除左肉類，仲有好多好多選擇，根本就似酒店自助餐咁豐富。 刺身壽司嘅款式十分多，都好新鮮同整潔，refill都夠快。另外有沙律冷盤、炸物如章魚小丸子、炸魷魚圈、 炸雞粒、炸薯角，好吸引呀。燒肉同火鍋配料嘅選擇十分多，肉類同丸類都各佔咗十幾樣， 另外仲有蔬菜、菇類，任食任拎，真係好想每款都試下。刺身係即叫即切，都好新鮮衛生，三文魚夠肥美，油香不俗，帶子亦帶黏稠，鮮味非常。其他仲有原隻赤蝦、 螺肉等，都好新鮮光潤。燒肉種類眾多，不過我就專攻牛同豬，牛仔骨係回本之選，仲有肥
晚市分左幾個時段唔同收費，我哋揀咗7-9pm，成人每位$218，小童$138，其實話平唔平，不過好耐無食過燒肉就食好d啦。未夠鐘門外已有等侯既人龍， 可能大家都困得太耐喇，終於可以出來食放題，感覺難能可貴。
入座着要先量體温同用酒精搓手液清潔雙手，座位之間隔着白色膠板，而且出去拎野食一定要帶口罩，衛生都做得唔錯，食得放心。
燒肉放題除左肉類，仲有好多好多選擇，根本就似酒店自助餐咁豐富。 刺身壽司嘅款式十分多，都好新鮮同整潔，refill都夠快。
另外有沙律冷盤、炸物如章魚小丸子、炸魷魚圈、 炸雞粒、炸薯角，好吸引呀。
燒肉同火鍋配料嘅選擇十分多，肉類同丸類都各佔咗十幾樣， 另外仲有蔬菜、菇類，任食任拎，真係好想每款都試下。
刺身係即叫即切，都好新鮮衛生，三文魚夠肥美，油香不俗，帶子亦帶黏稠，鮮味非常。其他仲有原隻赤蝦、 螺肉等，都好新鮮光潤。
燒肉種類眾多，不過我就專攻牛同豬，牛仔骨係回本之選，仲有肥牛、豬腩肉、豬頸肉都幾惹味，完全滿足我地既燒肉癮。
唔想太熱氣，仲可以食埋火鍋，有唔同湯底同配料任君選擇，不過食得太多肉又唔太健康，所以我地專注烚下蔬菜、粟米、冬菇同丸類，豬骨湯底香濃，唔洗點醬料都好好味
唔可以錯過仲有自助甜品，芝士蛋糕、木槺布丁、椰汁層、豆腐花都係我地至愛，仲有雪糕雪條，小朋友點忍得口。
另一個我好欣賞既就係花茶，一系列花茶用玻璃瓶裝住已經好治癒，仲可以按自己喜歡既口味調配自己既花茶，感覺好養生呀，比飲汽水更健康，尤其食完咁多肉，飲返杯茶真係好舒服。
2小時放題，每樣食少少，原來都幾飽架啦，終於可以出街食下飯，嘆下，真係好難得，經過幾個月疫情，真係覺得一家人健健康康出下街係咁難能可貴，食飽飽一齊慢慢散步返屋企，大家都好滿足！
張貼
