Grubers (已結業)

約左friend去德福睇戲, 由於早到咗, 所以先搵啲野食。戲院入面開咗間新快餐店, 上網一查, 原來呢間 Grubers係來自摩納哥。有新嘢試, 即時食指大動。呢間店裝修好四正, 靚過一般快餐店。選左個阿根廷青醬 Chimichurri Combo, 我係食肉獸, 食漢堡包一定選牛肉, Toppings 要咗 cheese同埋新鮮蘑菇 , sides 要咗薯條 Sexy Fries, Drinks 就要可樂。等咗一陣, 個 Pager 響起, 即時去攞我個Combo。食薯條通常配茄汁, 呢度唔止有茄汁, 仲有芥末醬同埋蛋黃醬, 最正係想要幾多唧幾多。戲肉到, 打開包裝紙, 即時聞到好濃漢堡扒香味同磨菇味, cheese就比較一般。 由於漢堡扒預先已經混入配料, 令味道更豐富, 而且配料唔會多到瀉, 吃起上呢比較方便。牛肉好juicy, 好好味, 食得番以前啲高級漢堡包味道。薯條Sexy Fries上面有啲粟米, 非常香脆 , 配埋蛋黃醬食, 簡直絕配。呢餐性價比高, 如果中環食一定過百, 我真係好滿意。