東海薈 (北京道1號) (已結業)

上次去東海吃飯 已是上年大閘蟹上市的季節, 每年都會到東海吃大閘蟹, 原因是蟹季短, 無謂浪費時間及quota, 要吃就要吃靚蟹, 東海是我心水之選, 今次收到信用卡通知有六折推廣套餐,與朋友看過後覺得非常超值, 故特意選子尖沙嘴東海薈勁擦一餐, 6:30左右步出電梯發覺大堂及部份廳房已被酒席預約了,只剩一間房可容納4枱客, 幸好朋友早一天前已訂位, 否則白行一趟, 我們被帶到座落窗邊的圓枱, 落地玻璃外望維岸夜景一覽無遺, 舒服企理。等齊朋友後開始上菜, 先來三小碟, 蜜汁叉燒, 拍青瓜雲耳及皮蛋肉鬆豆腐, 其中叉燒賣相較差(黑媽媽), 向店員查詢為何燶了, 原來是東海特制的黑蔗糖叉燒, 真是大鄉里, 其餘兩味都OK, 但叉燒對我來說太肥, 但朋友就說半肥瘦啱啱好。佛跳牆, 味道清甜料又足, 東菇花膠大大件 , 蒜茸開邊蒸龍蝦, 估唔到咁大隻, 雖然是波龍, 但肉質爽味清甜, 加上伊麵吸收了龍蝦汁, 真是非常惹味 , 六頭鮮鮑魚, 蒸得啱啱好, 唔韌 , 白玉翡翠原來是勝瓜, 嫰滑清甜, 沙薑雞味道頗佳, 但因掛住食忘記了影相, 到記得都時已剩返隻碟, 最後上了甜品燕窩燉蛋