影片
更多
2022-08-07
530 瀏覽
以前韓宮喺正黃埔站A出口，我周不時都會帶朋友過嚟食，個個都食得好開心。之後佢個舖位變咗韓國食品超市，餐廳變咗側邊嘅小食店，我都有幫襯咗幾次。雖然都好食，但係賣嘅都係飯卷、年糕、炸雞嗰d，食唔到大廚手勢，都幾可惜。今日心血來潮想食韓國嘢，偶然喺OpenRice見到韓宮喺隔離街開返，即刻去試下。新舖位置喺原舖斜對面，都係好近港鐵站同埋各個巴士站。舖位比以前細d，但係環境好舒服，有種去咗朋友屋企嘅感覺：店員亦都好親切，有講韓文、講英文，亦都有講廣東話嘅，大家唔使擔心語言問題。晚市餐牌大部分都係預你share，唔想食咁多嘅話，都可以叫冷麵、伴飯嗰d。雖然我得一個人，不過既然特登嚟到，都想試多d，最後叫咗牛骨湯 ($128) 同埋紫蘇炸雞 (S) ($158)。店員送上前菜4小碟 (菜、薯仔、泡菜、辣魚乾)，不另收費：牛骨湯上檯嗰陣仲係滾，一路卜卜卜咁：入面有三大舊牛骨，而且有好多肉，肉好軟冧，個湯清得嚟入味，好食。本來想叫碗白飯，不過湯入面有粉絲、蘿蔔，一個人食其實都好夠。紫蘇炸雞，我叫嘅係S細份，嚟到有十幾舊，比想像中多：附上嘅除咗黃芥辣醬、韓式辣醬、醃蘿蔔，仲有支旗仔寫住 “We Love
之後佢個舖位變咗韓國食品超市，餐廳變咗側邊嘅小食店，我都有幫襯咗幾次。雖然都好食，但係賣嘅都係飯卷、年糕、炸雞嗰d，食唔到大廚手勢，都幾可惜。
今日心血來潮想食韓國嘢，偶然喺OpenRice見到韓宮喺隔離街開返，即刻去試下。
新舖位置喺原舖斜對面，都係好近港鐵站同埋各個巴士站。舖位比以前細d，但係環境好舒服，有種去咗朋友屋企嘅感覺：
店員亦都好親切，有講韓文、講英文，亦都有講廣東話嘅，大家唔使擔心語言問題。
晚市餐牌大部分都係預你share，唔想食咁多嘅話，都可以叫冷麵、伴飯嗰d。
雖然我得一個人，不過既然特登嚟到，都想試多d，最後叫咗牛骨湯 ($128) 同埋紫蘇炸雞 (S) ($158)。
店員送上前菜4小碟 (菜、薯仔、泡菜、辣魚乾)，不另收費：
牛骨湯上檯嗰陣仲係滾，一路卜卜卜咁：
牛骨湯
$128
19 瀏覽
0 讚好
0 留言
入面有三大舊牛骨，而且有好多肉，肉好軟冧，個湯清得嚟入味，好食。本來想叫碗白飯，不過湯入面有粉絲、蘿蔔，一個人食其實都好夠。
紫蘇炸雞，我叫嘅係S細份，嚟到有十幾舊，比想像中多：
紫蘇炸雞 (S)
$158
19 瀏覽
0 讚好
0 留言
呢碟炸雞係外面炸得好脆口嗰隻，唔係蜜糖牛油炸雞、甜辣炸雞嗰類，不過都好食，入面啖啖肉得嚟好嫩滑。
我6點幾到，7點幾已經坐滿。有幾檯有訂位，同埋有幾檯係韓國人，氣氛都好好。見佢咁多客都開心，我都乖乖埋單，打包咗半碟炸雞同一舊牛骨，讓返個位出嚟。下次會帶多d人嚟試下佢個豬手！
我都好耐冇寫食評，不過見佢新開未有食評，而且佢係好食、好坐，我就寫返個嚟介紹俾大家，希望佢客似雲來、長做長有。
新張期內免加一，只收現金
(QR code落單，總數會計埋加一，不過店員會幫你扣返)
(只供參考，唔知新張期去到幾時㗎)
張貼
