一寿司 (已結業)

我諗一壽司既黑夜時段應該都至少有3年，最起碼我幫襯左差不多3年了，頭一年食，差不多個個月都食1-2次，但一次比一次崩潰，最打擊一次莫過於大半年前既一次了，因食到像腐爛了的壽司，好傷心失望，所以遲遲不願意再一試，久別至今才再一嘗.作為一個學生，最緊要慳！我好鐘意食壽司，所以之前我係好沈迷食一壽司的黑夜時段，因為覺得質素差極有限，偶然有一啲壽司唔好食都覺正常，鬼叫特價咩。但可惜............真係愈來愈差到離譜呢。今次最無言既唔係食物質素，而係某位服務員既態度，仲要果位仁兄係類似男經理既角色。話說今餐我地枱既單同幾張枱既單都搞亂左，啲野食亂上枱，我地已經係咁強調某啲食物唔係我地叫既，但個男經理依然十分之執著仲白眼堅持係我地叫既，機唔會錯，點知到另一位女經理來再查多一次才發現，真係錯左，但對唔住都無聲仲係咁白眼我地唉。反而我地好欣賞一位外藉既女經理，處理手法同態度都好好！但我諗，未來至少一年或以上，我都唔會再光顧啦!但公道啲講句，唔求質素高又想醫肚飽肚想平平地食一餐壽司當宵夜的話，其實一壽司係個唔錯既選擇。睇下舊魚將咁礙眼唉，一撻撻咁竟然係鰻魚最好食因為上錯好多次枱，心情有點炆，所