新志記海鮮飯店 (已結業)

其實想黎好耐，每次經都冇黎，見咁多好評，昨晚落太子見到到都冇位於是想記呢到就黎試下。牆上寫滿菜，好多少見既菜都有，樣樣想試之下叫了半隻沙薑雞，薑蔥爆魚膘，西芹炒象拔蚌，蒜子果皮蒸班頭腩，糯米飯。先黎隻雞，一睇樣就知掂，沙薑夠味，唔點碟醬都OK，再黎炒象拔蚌，普普通通，爆魚膘我至愛，好香同入味。最後碟班頭腩侍應話個枮板師傅冇做，所以要等耐D，足足由叫到有得食等左成粒鐘，最後上檯都叫幾好味，算啦。埋單三舊幾，唔算貴亦唔係平，但食物質素的確唔差，可以再黎。