華星冰室 (克街)

系灣仔番工既我，每逢星期六放工就會同男朋友四圍搵野食，其實佢原本系想食清湯腩，但為何最尾會揀左冰室黎食？我地系行去銅鑼灣既方向，點知一經過克街我就見到華星，即刻勁開心，因為華星都算系我「好想食」既食物清單入面既其中一間。由於係星期六去，可能唔係一至五所以冇乜打工仔或者OL去，一去就有位。

裝修亦系一貫懷舊既風格，其實呢家既冰室普遍黎講都肯花錢去裝修成冰室既style，環境以黑白為主題，牆側更有眾多明星簽名既簽名版，來頭不小。

1

1

黎到華星冰室要食啲咩，相信非常餐莫屬，常餐包括叉燒意粉或者通粉、火腿炒蛋、牛油多士、咖啡或茶，我就揀左叉燒通粉，叉燒通粉既湯底幾清冇乜油幾岩我心水，不過叉燒就偏林，再硬啲就完美，不過系張相完全睇吾到有叉燒😂每一件都系細細件同埋沉曬底。

常餐包埋戈份牛油多士好脆身，牛油好均勻咁搽曬系兩片多士度，厚度亦好足夠火腿炒蛋既蛋好滑呀，用黎同多士撈埋一齊食好正。 聽男朋友講一塊多士系就咁食，另外一塊就同火腿、炒蛋一齊食，原來識食系要咁食

所謂嘅校長多士其實係黑松露芝士多士，對於勁中意食黑松露又勁中意食芝士既我實在非叫不可，開頭一睇仲以為做咩咁窿，但食落真係好香黑松露味，應該係表面烘過，但同時令多士更加香口，4件細細件份量岩岩好。

校長多士

$25

除左招牌既食物外，餐廳更有特別推介既食物，而其中一樣就系「魔鬼潛艇」，個名十分頂癮，其實食材就系軟餐飽入面夾住蜜糖芥末醬同埋司華力腸，mix埋一齊都算好食，但感覺上就同其餘幾款食物有少少格格不入，不過還是不錯的。

魔鬼潛艇

$23

熱奶茶向來系香港茶餐廳既招牌飲品，除左旅客外，本地人都好中意飲，整得好既茶會令人有回甘既感覺。我真系好耐冇飲過咁好飲嘅熱奶茶，茶味超香濃又唔會澀，飲落去幾滑，茶味就大概佔四成左右，亦係好香濃，奶同茶加埋超有茶餐廳嘅感覺。

冰室始終系冰室，平靚正系眾人都想，但如果食物可以達到平靚正既質素，服務就不能要求太多了，畢竟對傳統既冰室黎講始終系速度重要過服務。