我哋叫咗2份三文魚海膽飯($58)、1份雜錦魚生飯($58)，同埋1份蔥吞拿魚飯($58)。其實本身見到價錢咁平都唔會好大期望, 但真係見到個飯嘅時候都真係嚇咗一跳
個人覺得雜錦魚生飯係最正路，雖然主要舖面嘅係玉子、蟹籽同青瓜，魚生得零星嘅碎碎，但係我覺得呢個價錢都算可以接受嘅
但至於蔥吞拿魚飯我就覺得有啲誇張, 一舊飯上面只有3塊好薄好薄嘅吞拿魚，幾粒蔥花，朋友最後要豉油撈飯先冇浪費到下面啲飯
其實呢間壽司店嘅食物啲味道還好, 只係個份量真係有啲強差人意, 可能因為個分類叫丼飯先入為主咗啦, 大家如果想試呢間就建議食返壽司啦
