咖啡弄 (已結業)

咖啡弄嘅窩夫出名，但食過之後覺得唔係特別好食。首先，窩夫好實，唔夠鬆軟。不過想好有飽肚感就啱晒。另外，雪糕唔夠。雪糕真係好重要，如果唔係食落好乾。每人至少嗌一杯野飲，男朋友嗌左沙冰，有個發光杯墊，好得意哈哈。我保守咁嗌左果茶，不過不失。兩個主菜，分別係咖哩牛腩包同牛角包。咖哩好多，啲包點唔晒，包幾脆，唔錯。咖哩就同預期中一樣味，都唔錯嘅。牛角包係今餐最滿意。包夠脆，材料足同埋新鮮。每人食個主菜都夠，加埋窩夫太多。