Hugo Le Resto Grill (已結業)

早已聽聞銅鑼灣嘅Hugo Le Resto Grill係間唔錯嘅中價扒房，呢晚特意同男朋友訂枱一試。我地早咗成半個鐘到，但都可以即刻入座，職員十分貼心。沙律吧🥗除咗有沙律菜同生果，亦都有鮮蝦以及青口，估唔到都幾新鮮👍🏻。主菜方面，我地分別揀咗格陵蘭比目魚配清新柚子汁，以及香煎老虎大蝦配黑松露鮮忌廉飯。比目魚煎得好出色，魚皮香脆之餘魚肉唔會過熟。柚子汁清新亦唔會搶咗魚肉嘅鮮味🥰。另一碟主菜嘅老虎大蝦煎得都唔錯，調味簡單，保存咗蝦嘅鮮味。黑松露鮮忌廉飯就更加出色。我好鐘意佢地加咗好多新鮮蘑菇，健康得嚟亦令到個口感更豐富🤤。最驚喜係食完都唔覺得膩，呢樣十分難得。整體嚟講，價錢唔算太貴，但食物質素頗高。呢間餐廳喺同區嚟講都係唔錯嘅選擇。Hugo Le Resto Grill銅鑼灣怡和街42- 44號華人銀行東區大廈2樓