吃吧 (僑建大廈) (已結業)

相信唔少人都上過呢到食飯今次我就第一次上黎，基本上都幾好食嘅～三文魚沙律配匀草汁，汁偏少，只係食到普通嘅三文魚味。覺得唔係好夠菜食又叫咗個沙律，有趣係用罐裝住，菜夠新鮮，沙律汁同煙肉碎都幾多，仲有隻溫泉蛋，不過食食下隻蛋就融咗成為汁嘅一部分，令到麵包糠淋晒～到主菜啦，香煎盲槽魚都唔錯，魚皮少少脆同帶少少黑椒香，魚肉幾滑。另外就係慢煮黃油雞，有半隻雞仔，雞脾肉幾滑幾香，不過雞胸個邊就鞋咗少少。兩款主菜都算好食，仲配埋薯蓉，不過牛油味太重，係滑但無薯味。價錢黎講都算偏貴，兩個人4樣分量感覺上偏少，無飲野都成550蚊左右。野食方面比較濃味，雖然無催埋單，但訂檯個時話得1.5hrs 食，感覺上有d趕。 所以都係覺得爭少少。