心怡甜品

營業中

休息中

綠茶綿綿冰，雪花冰嘅日本宇治茶茶味甘濃，入口即化，配以煉奶食用，甜度更適中；芋圓、地瓜圓，好足料，外層口感煙韌，內層食到飽滿嘅餡料；白玉Q彈；日本紅豆口感軟腍，味道香甜；彩糖針令綿綿冰口感增加。榴蓮飄逸，層次分明，第一層係芋圓、地瓜圓、3Q果，3Q果口感彈牙；第二層係榴槤蓉，份量十足，口感厚身、滑口，香味飄逸；第三層係香草味雪糕，口感香滑，味道濃郁。天使之戀，酥皮甜品，口感外酥脆內鬆軟，牛油味道濃而不膩，酥皮層數都幾多；配以草莓、芒果、忌廉、煉奶食用，味道更豐富。芒果布甸，滑溜嘅芒果布甸包裹住幾粒好大嘅鮮芒果，雙重芒果味道，芒果、布甸味道都好香甜，配以花奶食用，口感更幼滑。