紅葉茶屋 (海之戀商場)

營業中

休息中

呢間日系茶屋喺香港有五間分店，第一次去海之戀分店，今次坐近窗邊榻榻米位可以望住荃灣嘅海景仲有紅葉襯托，非常詩情畫意。食物選擇以日本定食為主，肉定食和丼同魚定食和丼都有多款選擇，賣相非常精緻：🍱豪華海鮮丼茶漬飯 $178茶漬飯食法可以揀堅魚昆布湯或香濃蝦湯，第一碗建議以附有山葵嘅醬油品嚐海鮮原有嘅鮮甜味道；第二碗建議將適量嘅飯及刺身放喺小碗，放入熱湯，然後按喜好加入適量山葵享用。揀咗香龍蝦湯，味道非常清甜，恰到好處，唔會蓋過刺身原有嘅鮮味。🥩和牛肉壽喜燒定食 $178壽喜燒定食有三個等級嘅牛肉可以選擇，豐儉由人，我哋揀咗中間嘅等級，牛肉油脂甘香襯托微甜嘅壽喜燒湯底，配料吸盡湯底精華，經典又滿足嘅味道。兩款定食都可以加配小食、特飲及甜品。🍗和風炸雞盛合（雞件/雞全翼）$35即叫即炸香脆可口，共有四件，性價比高。🍵雪糕抹茶拿鐵 $25🍦抹茶蕨餅新地 $35抹茶選用日本歷史悠久嘅老字號店舖”森半”，味道有明顯嘅抹茶香氣和粽香，非常推介大家加配。