佳芳廚房 (已搬遷) 新店位置

今日同屋企人經過，遇到間深水埗小店，老豆話想食得健康d,就簡左呢間冇味精，健康之選。招牌南乳豬手 配湯河粉 $52河粉個湯底係清湯 ，南乳豬手好軟淋同入味，有3件，相當推介，配乾麵應該會更夾。 同埋我估唔到佢比咁多菜，我本身叫左油菜，真係勁健康😂今日星期六靚湯係 防脱髮烏雞補腎湯 $53湯渣可見，相當足料。黎呢到大部分人都會叫湯，因為真係好抵飲，真材實料，抵過你去買湯包，依家仲有人煲埋🤤🥬 油菜（一碟）$24叫左生菜，份量相當大碟。乾隆皇帝粥 御五品粥 $38材料：蠔豉，梅頭肉，皮蛋，鹹蛋超級足料既粥呀（留意番佢係星期五，六至供應）如果咁岩星期五六黎食，可叫呢個粥，相當足料