日本A3和牛野菜鍋物 ($480)
鍋物包括四大片日本A3和牛，和牛入口柔嫰豐腴，油脂分佈均勻，沾上蛋汁令質感更加滑溜！鍋內以壽喜燒做湯底，味道甘甜，更加入南瓜片、京蔥、日本油揚、鮮冬菇等配料，唔錯～
兩人前串燒盛盒（$688）
套餐包括酒煮卜卜蜆櫻花蝦湯、雞串燒、海鮮、漬物盒同柚子氣泡清酒，飲落清新解膩，啖啖柚子香～
雞串燒有免治雞肉棒、雞軟骨、手羽燒各2串同雞腎1串，串燒可揀汁燒或鹽燒。小編最鍾意雞肉棒！表面燒至焦脆可口，咬落質感軟腍，內裏更加入軟骨增加口感。
海鮮有燒虎蝦（2串）、白酒青口（6隻）味噌蟹膏甲羅燒（1個）同燒西京銀鱈魚（1塊），相當豐富！甲羅燒拌入蟹膏、蟹籽同蟹肉，味道甘甜惹味。銀鱈魚食落啖啖肉，肉質鮮嫩，魚皮亦煎到好香脆～ 呢兩樣都好得小編同朋友歡心！
