影片
更多
2023-10-07
196 瀏覽
上星期趁大少留校參加學校活動到夜晚，所以就同老公近近地去左觀塘裕民坊YM²空中花園平台嘅Pentola餐廳嚟一個久違了的撐枱腳。整體上環境係好舒服，我最鐘意就係佢地嘅落地玻璃設計，咁就可以一邊用餐一邊欣賞店外嘅花園景。係店員為我地送上餐牌嘅同時，亦為我地送送上軟綿綿嘅餐包。我地叫左晚市二人套餐，餐廳主打係手工意粉，所以主菜都係手工意粉。先嚟套餐嘅餐湯係粟米湯，用左新鮮嘅粟米即打而成，所以未入口已經有好香濃飲粟米味，而飲落仲好香甜順滑添。套餐係包兩杯指定飲品嘅，不過一場嚟到就當然要叫杯飲品Chill下先得，所以就叫左杯Mystical Rosa，由芒果汁、菠蘿汁同埋橙汁調製，不過重點係有粒洛神花汁嘅玫瑰花冰，味道唔錯得嚟，仲係啱晒打卡呀！ 兩款前菜都唔錯，我個人認為白鯷魚茄子蓉多士 絕對係驚喜之作，脆卜卜嘅酸種多士配上肉質柔軟嘅白鯷魚，同埋酸酸甜甜嘅茄子蓉，勁有口感之餘食完仲非常開胃。意大利風乾火腿拼盤 嘅三款風乾火腿都好有鹹香味道，而且配埋提子一齊吃，估唔到個味道係仲出哦。主菜 新鮮波士頓龍蝦意粉，個波士頓龍蝦肉質彈牙而且好鮮甜，意粉都好爽滑而且軟硬適中，令我最欣賞嘅係佢嘅醬汁份量剛剛
整體上環境係好舒服，我最鐘意就係佢地嘅落地玻璃設計，咁就可以一邊用餐一邊欣賞店外嘅花園景。
係店員為我地送上餐牌嘅同時，亦為我地送送上軟綿綿嘅餐包。
我地叫左晚市二人套餐，餐廳主打係手工意粉，所以主菜都係手工意粉。
先嚟套餐嘅餐湯係粟米湯，用左新鮮嘅粟米即打而成，所以未入口已經有好香濃飲粟米味，而飲落仲好香甜順滑添。
套餐係包兩杯指定飲品嘅，不過一場嚟到就當然要叫杯飲品Chill下先得，所以就叫左杯Mystical Rosa，由芒果汁、菠蘿汁同埋橙汁調製，不過重點係有粒洛神花汁嘅玫瑰花冰，味道唔錯得嚟，仲係啱晒打卡呀！
兩款前菜都唔錯，我個人認為白鯷魚茄子蓉多士 絕對係驚喜之作，脆卜卜嘅酸種多士配上肉質柔軟嘅白鯷魚，同埋酸酸甜甜嘅茄子蓉，勁有口感之餘食完仲非常開胃。
意大利風乾火腿拼盤 嘅三款風乾火腿都好有鹹香味道，而且配埋提子一齊吃，估唔到個味道係仲出哦。
主菜 新鮮波士頓龍蝦意粉，個波士頓龍蝦肉質彈牙而且好鮮甜，意粉都好爽滑而且軟硬適中，令我最欣賞嘅係佢嘅醬汁份量剛剛好，所以整體上都覺得唔錯，值得推介。
另一主菜 意大利香草醬闊扁麵 ，比坊間嘅闊扁麵佢係更加煙韌同有口感，每條闊扁麵都掛滿意大利香草醬，所以入口清新而不油膩。
最後就當然唔少得甜品，口感順滑奶凍配上酸甜嘅百香果醬，兩者唔會搶味，估唔到個味道係咁夾。
另一個 Tiramisu 都唔錯，表面灑滿可可粉，入面嘅芝士忌廉好幼滑，配上咖啡味蛋糕同少少嘅酒香，真係啖啖滋味。
今個晚餐都真係有驚喜，等下次有機會帶埋大少再嚟食過啦！
張貼
