AcaiNow HK (已結業)

平時行上半山會用扶梯上山，最近扶梯維修，唯有沿住閣麟街由中環中心行上去，路過見一班人攞住碗紫色物體食得好咁滋味，而上面放滿各種鮮水果，(10月都就快到，天氣仲係咁鬼熱，成身嗅汗)。就衝入店，店員介紹我食一款港式款「港式旋風碗」，85蚊，個SIZE都好有份量，而且响中環區，價錢OK! Acai中文是巴西苺，有抗氧化的作用，外國Hit爆的食材，對人的身體很好，所以是一種功能性食品，低卡路里，低糖。鮮果很新鮮甜，可能因為巴西苺帶點酸酸味味的感覺，所以令到鮮果很甜，而其他一些NUTS，令到味到不會太甜，聽店員說食完可以不用食飯，也能夠有足夠能量補充，食完係有一種提神的感覺，不會咁到飽，但又好似好有力量，哈哈... 可能行上山太辛苦了，食下凍野降下溫，感覺係舒服晒。