銘興山西刀削麵 (厚福街) (已結業)

中午出開黎尖沙咀做野，天氣咁熱就想食返d開胃既菜式~一於就約左朋友仔試下「銘興山西刀削麵」，主打山西刀削麵，更提供特色冷伴麵及各款麻辣小食，岩哂我~———————————————————-熱伴牛筋腩刀削麵  - 份量足大大碗，熱伴麵加入花生粒，青瓜絲及特色醬料，層次感豐富~我地揀既牛筋腩大大件而且炆至軟淋入味；刀削麵粗身大大條，口感煙韌，食得夠滿足~———————————————————-口水雞飯 - 雞肉份量認真豐富，雞髀、雞翼及雞胸一一提供，重點係個口水汁，集齊麻酸辣味道，食落惹味又過癮~———————————————————-麻辣牛𦟌(少辣) - 呢度既涼伴小食亦好出色，麻辣牛𦟌厚薄適中，滷水香味突出，加埋餐廳既特色麻辣醬，食得好滋味~———————————————————-郊外油菜 (菜心) - 食落咁多肉，叫返個油菜balance下先，菜心大條得黎又好爽嫩，大大碟好抵食~———————————————————-純手工制竹庶茅根馬蹄水 / 純手工制雞骨草羅漢果法濕茶- 呢度仲推自家制既養生飲品，夠哂多元化，朋友仔最鍾意純手工制竹庶茅根馬蹄水，微微甜入口夠哂滋潤，值得一試~-凍檸