影片
更多
2020-01-24
63 瀏覽
今日又到左日本料理肚子既時候，黎到朗豪坊咁多次，竟然一直錯過左呢間丸十料理，好彩今日都唔遲，入到餐廳感覺好舒服及high class，樓底好高完全無壓迫感，同平時常見既日本餐廳相比，更舒服而且唔會好迫。🔷限定二人套餐 💰688🔹雜錦野菜沙律 💙80/100沙律菜非常新鮮爽口，加埋車厘茄同醋汁，酸酸甜甜令人十分開胃。咋外沙律面頭加佐白飯魚仔，配合埋沙律菜一齊食口感十足。🔹豐洲特上刺身 (五點)💙85/100(牡丹蝦、活赤貝、拖羅、鯛魚、金目鯛)五款刺身件件新鮮厚切。牡丹蝦連埋蝦頭大大隻，鮮甜彈牙。拖羅入口即溶，非常甜美味。另外幾款水準都高質，又鮮又甜，食到十分有滿足感。🔹鐵板燒日本地雞 💙75/100雞扒使用來自日本既走地雞，煎完再用鐵板呈上枱面，雞皮煎得出焦香之餘咬落脆口，肉質嫩滑又有汁，隔離蓮藕片上有啲綠色的醬點黎食，味道辣辣哋，有另一種風味。🔹丸十壽司盛合 💙80/100(海膽軍事壽司、帆立貝壽司、牡丹蝦壽司、拖羅壽司)丸十主打系精米，所以都幾期待壽司嚿飯，果然有驚喜，做到倍加美味可口，唔係得醋味。海膽鮮甜無苦味唔腥，帆立貝厚度十足，樣樣都咁精彩。🔹海鮮土瓶湯 💙85/100壺海鮮
今日又到左日本料理肚子既時候，黎到朗豪坊咁多次，竟然一直錯過左呢間丸十料理，好彩今日都唔遲，入到餐廳感覺好舒服及high class，樓底好高完全無壓迫感，同平時常見既日本餐廳相比，更舒服而且唔會好迫。
🔷限定二人套餐 💰688
🔹雜錦野菜沙律 💙80/100
沙律菜非常新鮮爽口，加埋車厘茄同醋汁，酸酸甜甜令人十分開胃。咋外沙律面頭加佐白飯魚仔，配合埋沙律菜一齊食口感十足。
🔹豐洲特上刺身 (五點)💙85/100
(牡丹蝦、活赤貝、拖羅、鯛魚、金目鯛)
五款刺身件件新鮮厚切。牡丹蝦連埋蝦頭大大隻，鮮甜彈牙。拖羅入口即溶，非常甜美味。另外幾款水準都高質，又鮮又甜，食到十分有滿足感。
🔹鐵板燒日本地雞 💙75/100
雞扒使用來自日本既走地雞，煎完再用鐵板呈上枱面，雞皮煎得出焦香之餘咬落脆口，肉質嫩滑又有汁，隔離蓮藕片上有啲綠色的醬點黎食，味道辣辣哋，有另一種風味。
🔹丸十壽司盛合 💙80/100
(海膽軍事壽司、帆立貝壽司、牡丹蝦壽司、拖羅壽司)
丸十主打系精米，所以都幾期待壽司嚿飯，果然有驚喜，做到倍加美味可口，唔係得醋味。海膽鮮甜無苦味唔腥，帆立貝厚度十足，樣樣都咁精彩。
🔹海鮮土瓶湯 💙85/100
壺海鮮土瓶湯賣相精緻，真材實料，有大蝦，魚肉，蟹柳，菇等，望落去清澈，但飲落好鮮甜，再唧啲青檸汁鮮味更加特出，十分好飲，岩曬鐘意飲湯既朋友。
張貼
