影片
更多
2013-09-29
1898 瀏覽
不嬲都知渡船街嗰邊多野食，腸粉﹑小炒﹑雞煲﹑甜品…當然唔少得我地近期至愛既BBQ串燒啦！呢排心情麻麻，工作又唔算好順利，今晚收工決定化負能量為食量，要喪吃串燒呀！呢度有好幾家串燒，其中又以龍蝦燒同重慶燒最hit，各自有數間舖做生意。我地間間都冇試過，所以就去電視介紹過既龍蝦燒了。我地等位等左5分鐘左右就被安排入座，雖然近洗手間，但冇惡臭之餘，個洗手盤係喺出面既，所以我地飯前飯後洗手都超方便。枱面已放齊好幾瓶調味粉，包括勁辣粉﹑味椒粉同我地最愛既孜然粉。點菜紙放喺牆上，有三類，最細張係點特色食物，如泰式生蝦刺身﹑鐵板羊奶芝士等，另外兩張就係多款串燒﹑燒物及飲品。串燒食物細分海鮮﹑肉類﹑蔬菜同丸類。飲品則有普通汽水啤酒及台式綠茶等選擇。我地猶如發左癲咁乜都叫一餐，兩個人點左4個人既份量，最後梗係食唔哂要打包回家啦！埋單HK$560，如果以4人嚟計其實唔算貴，食物上得快，唔駛喪等，味道可以，都適合大班朋友嚟既！以下係今晚所點既食物：1. 鐵板羊奶芝士4件 (HK$28)- 唔怕芝士羶味既朋友可以一試，不過整體偏鹹2. 燒大葱和牛粒1串 (HK$28)- 牛肉口感同牛味尚可3. 牛油芝士燒龍蝦
呢度有好幾家串燒，其中又以龍蝦燒同重慶燒最hit，各自有數間舖做生意。我地間間都冇試過，所以就去電視介紹過既龍蝦燒了。我地等位等左5分鐘左右就被安排入座，雖然近洗手間，但冇惡臭之餘，個洗手盤係喺出面既，所以我地飯前飯後洗手都超方便。
枱面已放齊好幾瓶調味粉，包括勁辣粉﹑味椒粉同我地最愛既孜然粉。點菜紙放喺牆上，有三類，最細張係點特色食物，如泰式生蝦刺身﹑鐵板羊奶芝士等，另外兩張就係多款串燒﹑燒物及飲品。串燒食物細分海鮮﹑肉類﹑蔬菜同丸類。飲品則有普通汽水啤酒及台式綠茶等選擇。我地猶如發左癲咁乜都叫一餐，兩個人點左4個人既份量，最後梗係食唔哂要打包回家啦！埋單HK$560，如果以4人嚟計其實唔算貴，食物上得快，唔駛喪等，味道可以，都適合大班朋友嚟既！
以下係今晚所點既食物：
1. 鐵板羊奶芝士4件 (HK$28)- 唔怕芝士羶味既朋友可以一試，不過整體偏鹹
2. 燒大葱和牛粒1串 (HK$28)- 牛肉口感同牛味尚可
3. 牛油芝士燒龍蝦1隻(HK$58)- 有4個價錢之分既龍蝦，最平係$48，我唔知係咪同大細有關，味道一般
4. 燒烏頭魚1條(HK$65)
5. 汁燒魷魚筒1隻 (HK$48)- 幾好味
6. 燒韭菜1串 (HK$12)
7. 燒銀杏1串 (HK$12)- 老公話好味！
8. 燒蜜甜香蕉1隻 (HK$14)- 又係讓我失望既燒蕉
9. 燒皇牌羊肉串2串 (HK$14 x 2)- 羊羶味好重，唔係人人受到！
10. 燒豬柳2串 (HK$14 x 2)- 幾好味！
11. 燒豬頸肉1串 (HK$14)- 大愛，肉質調味都唔錯！
12. 燒牛柳2串(HK$14 x 2)- 一般
13. 燒牛仔骨1件 (HK$25)
14. 燒西冷扒1件 (HK$24)
15. 燒雞中翼1份4隻 (HK$28)- 燒得唔夠
16. 五香鴨舌2串 (HK$19 x 2)- 這是點錯了的食物，嚴格嚟講係冇為意張點菜紙本身有人點左呢個，我地又照入單，多左！
17. 燒芝士丸1串(HK$14)
18. 燒特級墨魚丸1串 (HK$14)- 見佢有特級兩個字，以為會唔同，其實又係一般墨丸！
19. 干貝燒1串 (HK$14)- 唔似貝類，似新式丸類多啲！
其實串燒食物份量比我們想像中大，所以如得兩個人每款點一串已好夠，寧願試多兩款。
張貼
