咕嚕咕嚕

週二傍晚XO仔早已於諾士佛臺一家酒吧度飲咗頭輪歡樂啤，後因甜心兒到步時告知大廈四樓有另外一間酒吧「咕嚕咕嚕」同樣有「歡樂串燒」優惠，價錢平$20，仲要免收加一喎，兩口子就決定中途轉場。

1

咕嚕咕嚕廣告牌

1

咕嚕咕嚕廣告牌

樓上酒吧設計時尚，開揚闊落，格調輕鬆。

1

酒吧設計時尚，開揚闊落，格調輕鬆

二人被安排入座拍牆高高o既散枱吧位。粉紅色o既厚墊梳化極之舒適。

1

厚墊梳化吧位

嘻嘻，雲石吧枱上有個座枱小燈，客人可自調四種光暗度，真係幾盞鬼架！

1

雲石吧枱上有個座枱小燈

新店共有兩頁酒牌。

1

酒牌

2

酒牌

單點熱食項目全為日式料理，莫非「咕嚕咕嚕」係日文？！

1

餐牌

翻查詞典，日文「ぐるぐる」可解作「團團轉」或「一層層地繞」，睇黎可能小肥諗多咗。。。

1

餐牌

「咕嚕咕嚕」o既「咕嚕串燒套餐」每客$68，包有四條串燒及無酒精飲品一杯，如果想轉酒飲可另加$20，免收加一。

1

$68咕嚕串燒套餐

1

串燒餐牌

同其他酒吧無異，埋位哥哥仔先呈上送酒小食一客。「咖哩薯片」香脆香辣，貨式明顯同樓下間酒吧一樣喎，兩店又咁橋一齊玩「串燒套餐」，會唔會係親戚店呢？！埋單時發現薯片原來係免費送架，掂呀！

1

咖哩薯片（免費贈送）

我地按照原定計劃，每人都點咗客「咕嚕串燒套餐」，另加$20轉配生啤。

1

咕嚕串燒套餐（$68 + $20轉生啤）

$88

1

咕嚕串燒套餐（$68 + $20轉生啤）

$88

套餐中o既四條串燒均以拼盤一次過上，新鮮燒出，大家記緊要睇熱呀！

1

咕嚕串燒

1

咕嚕串燒

汁燒雞皮（原價$38/兩串）：汁燒雞皮半脆帶潤，輕巧甜美。

1

汁燒雞皮（原價$38/兩串）

鹽燒牛舌（原價$68/兩串）：厚厚地o既鹽燒牛舌爽脆易入口，簡單味佳。

鹽燒牛舌（原價$68/兩串）

汁燒豬腩肉（原價$58/兩串）：豬腩肉肉質爽而鬆，而且肉汁豐厚，勁啱細佬口味。

1

汁燒豬腩肉（原價$58/兩串）

鹽燒雞中翼（原價$58/兩串）：雞中翼皮脆肉嫩，食落毫不油膩，送酒一流！

1

鹽燒雞中翼（原價$58/兩串）

甜心兒一訪洗手間後，即報告話化妝室有別於其他酒吧廁所，除咗光猛寬廣、潔淨衛生之外，入面仲有幅女皇如廁畫品，實在搞笑！

1

女皇如廁

細佬即好奇地走咗入男洗手間度巡查。哈哈，居然見到前美國總統坐塔，當然係要同大家分享一下啦！

1

美國總統坐塔

慶幸女伴擁有一對觀察力特強o既大眼睛，XO仔先得以巧遇諾士佛臺新酒吧「咕嚕咕嚕」。新店氣氛輕鬆，環境舒適大方，服務生友善好客，除咗有小食送，「$68咕嚕歡樂串燒」可謂超抵，仲要全面免收加一喎，咁咪即係抵上加抵？！